Саясий Ислам
Кафир Батыш 1924-жылы 3-мартта Халифалык мамлекетин кулаткан күндөн баштап Халифалык кайрадан бутка турушуна каршы аракетин улантып келет. Алгач, Батыш бул жаатта өзүн бир аз эркин сезди. Себеби, ал Халифалыкты кулатканы менен сыймыктанып, анын кайрадан бутка тура алышына бир аз этибарсыз карагандай болду. Англиянын тышкы иштер министри Карзон Британия парламентинин төмөнкү палатасында сүйлөп жатып: “Биз Түркияны жок кылдык, эми ал эч качан бутка тура албайт, себеби биз анын моралдык күчүн – Ислам жана Халифалыгын жок кылдык», – дегенде бардык депутаттар кубануу менен алакан чаап жиберишкен. Себеби, куфр мамлекеттеринин бир нече кылымдардан бери жете албаган арзуусу ишке ашкан эле.
Ошондой болсо да, кафир Батыш Халифалык мамлекети кайрадан бутка турушуна каршы аракетин бир ирмемге да токтотподу. Анткени, Британия элчисинин Мустафа Кемел “Ататүрккө” койгон жана наалаты “Ататүрк” сөзсүз кабыл алган төрт шарттын үчүнчүсү “Халифалыкты кайрадан тикелеши мүмкүн болгон ар кандай аракетти бастырууга убада берүү” болгон эле. О.э. баскынчы яхудий вужудун Ислам өлкөлөрүнүн так борборуна жайгаштырууда да мына ушул максат көздөлгөн.
Бирок, Батыш канчалык тоскоолдук кылышына карабастан – Аллахка чексиз алкыш-мактоолор болсун – мусулмандар зээнинде Халифалыкты кайрадан тикелөө пикири кайрадан калыптана баштады. Себеби, мусулмандар зээниндеги Ислам акыйдасы, насронийлик акыйдасына тескери көрүнүштө, тирүү акыйда болуп эсептелет. Мындан тышкары, Аллах Таала бул Үммөт арасынан ар бир 100 жылда динди жаңыртып туруучу адамды чыгарып турууну убада кылган соң, башкача болушу да мүмкүн эмес. Эскертүү, динди жаңыртуу (таждийд) дегени – азыркылар айтып жаткандай – динди өзгөртүү же алмаштыруу эмес, тескерисинче, аны коргоп, аны Аллах Таала Расулуллах (с.а.в)га түшүргөн кезиндегидей таза жана тунук бойдон сактап калуу.
Мындан 100 жыл мурда Ислам мамлекети кулашына кубанган Батыш, бүгүнкү күндө мусулмандар Халифалыкты эл аралык сахнага кайтаруу үчүн олуттуу киришкенине тынчсыздана баштады. Кафирлер мунун алдын алуу үчүн ар кандай фитналарды ойлоп табышууда. Терроризм, экстремизм, радикалдык Ислам, мээлүүн Ислам, салттуу Ислам дегендер ушулар түркүмүнөн. Ал тургай, мусулмандар арасынан Исламды жаман көрсөтө турган жана Исламдын атынан ар түрдүү агрессивдүү иштерди кыла турган жамааттарды пайда кылышты. Алардын максаты, Халифалык мамлекетин террордук мамлекет кылып көрсөтүү жана аны жашоого кайтаруу үчүн аракет кылып жаткан ар кандай кыймыл, уюм жана хизбге карата терроризм тамгасын жабыштыруу о.э. аларга каршы өздөрүнүн ар кандай мыйзамсыз аракеттерин “террорго каршы күрөш” деген шылтоо менен актоо. Себеби, Батыштын назарында Исламий саясатты жашоого кайтаруу үчүн аракет кылып жаткан адамдар террорчулар, ал эми жамааттар болсо террористтик уюмдар болуп эсептелет.
Негизи, терроризм сөзүнүн лугавий мааниси коркутуу болуп, бул сөздүн өзүнчө шаръий мааниси жок. А бирок, Батыш бул сөздөн терминдик маани жасап алып, өз кызыкчылыгы үчүн пайдаланууда. Анын термининде терроризм – бул бардык тармактарды, анын ичинде саясатты да камтыган чыныгы Ислам.
Чындыгында бүгүнкү күндө Батыш “терроризм” же “террорчулар” дегенде Ислам жана мусулмандарды назарда тутуп жатканы сыр болбой калды. Мисалы, бир жерде жардыруу, же карапайым жарандарга ок чыгаруу, же болбосо, ушул сыяктуу абал жүз берсе, анда карап көрүшөт; эгер ал жерде мусулман адамдын аты аталса, дароо террордук акт деп жар салышат. Эгер массалык кыргын кылган адам мусулман болбосо, жабыр тарткандар канчалык көп болушуна карабастан, ал адам “психикалык жактан оорулуу” болуп чыгат.
Бирок, Батыштын Исламга “терроризм” тамгасын жабыштыруудан көздөгөн негизги максаты – мусулмандардын бир мамлекетке биригип, өз мабдасын колдонушуна жана рисолатты дүйнөгө алып чыгышына каршы күрөшүү о.э. ушул жолдогу аракеттерди жок кылуу. Башкача айтканда, Исламды саясий майдандан алыстатып, мечиттерге чектеп коюу. Мына ошондо алардын каалоосун экиленбей кабыл ала турган “Мээлүүн Ислам” пайда болот, мына ошондо гана кафирлер Ислам мамлекети кайрадан тикеленишине тынчсызданбай калышат. Ошондуктан да Исламдын саясий жагын көтөрүп чыккан ар кандай киши алардын назарында чыныгы террорчу болуп эсептелет.
Ооба, куфр жетекчилери коркуп жаткан нерсе да мына ушул Исламдын саясий жагы. Жорж Буш, Ричард Майерс, Дональд Рамсфельд, Дик Чейни, Генри Киссенжер, Гордон Браун, Тони Блэр, Чарльз Кларк, Николя Саркози, Жак Ширак, Владимир Путин, Сергей Лавров жана башка куфр жетекчилерин Халифалык мамлекети кайрадан тикелениши жөнүндө күйүп-бышып сүйлөөгө мажбурлаган нерсе да мына ушул Исламдын саясий жагы.
Саясий Ислам өз мамлекетине ээ болбой туруп куфрду ушунчалык коркутуп жаткан болсо, Халифалык мамлекети тикеленгенден кийин абал кандай болушун өзүңүз элестетип көрүңүз. А бирок, Халифалык мамлекети алар айтып жаткандай террордук мамлекет эмес. Тескерисинче, хидаят, маърифат жана маданият мамлекети. Ал адамзатты адилеттүүлүккө, бактылуу жашоого, турмуштун бардык тармагында өнүгүүгө жетектөөчү мамлекет. Ал куфрдун зулумуна, зомбулугуна, адилетсиздигине, фитналарына чек коюп, дүйнө жүзүнө адилеттүүлүктү жайылта турган мамлекет. Булардын бардыгына тарых күбө. Ал 13 кылымдан ашык убакытта бүтүндөй адамзатка бактылуу жашоо тартуулап келгени акыйкат. Ал тургай өз өлкөсүндө адилеттүүлүк эмне экендигин билбеген кайрыдиндер да Ислам адилеттүүлүгүн эңсеп өтүшкөн.
Ушундай болгон соң, эй мусулмандар, биз силерди Аллахтын мыйзамдарын жашоого кайтарып, адилеттүүлүктү жайылта турган Халифалык мамлекетин тикелөө үчүн Хизб ут–Тахрир менен биргеликте аракет кылууга чакырабыз. Себеби, бул нерсе сиз жана биз үчүн эки дүйнөдөгү бактылуулук кепилдиги болот.
Киямуддин Шариф
