Расулулланы акаараттагандарга мамлекеттин жообу керек!

191
0

Расулулланы акаараттагандарга мамлекеттин жообу керек!

Франциянын сатиралык “Шарлиэбдо” журналы шейшемби күнү пайгамбарыбыз Мухаммад (с.а.в)дын карикатурасын кайрадан жарыялай турганын билдирди. Буга 2015-жылы журналдын Париждеги кеңсесине чабуул кылган жихадий топтун сотунун башталышы шылтоо болуп берди. Жума сайын чыккан журналдын мүдүрү Лоран Сурисо “Эч качан артка кайтпайбыз” деп журналдын шаршемби күнкү санында карикатуралар кайрадан жарыяланарын айтты.
1890-жылы Франция менен Британияда Вольтердин Расулуллах (с.а.в)ды акаарат кылган «Фанатизм» деген пьесасы коюлмакчы болот. Бул кабар султан Абдулхамидге жеткенде, Франциянын элчиси Монтебеллону Истамбулга чакырып, ага өктөм үн менен ушуларды айтты: “Мен мусулмандардын халифасы Абдулхамид Хан. Бул пьесаны токтотпосоңор дүйнөнү башыңарга жыгам!” Натыйжада пьеса Францияда да, Британияда да коюлбастан токтотулду. Мындай кылмышты Ислам бийлиги токтотту. Бул Франция, Британия сыяктуу ошол учурдагы державаларга каршы туруу менен болсо да Расулулланы жана Исламды коргоо үчүн кылынышы керек болгон иш аткарылды.
Мына ушул Халифалык мамлекети алсырап, чоң күчтөр ар тараптан кол салып турушуна карабастан Ислам хазаратын коргогон чыныгы жетекчинин жообу…
Mусулмандардын бирдиктүү мамлекети учурундагы халифанын жообу менен бул мамлекет кулагандан кийин “Шарлиэбдонун” кылганына мусулмандардын жеке адам катары берген жообунда айырма бар. Эки абалдын ортосундагы айырманын биринчисинде: чоң күчтөрдүн каршысында типтик турган, аларды коркууга салуу менен берилген ишенимдүү жооп көрүнөт. Экинчисинде: бул акаараттын тескерисин көрсөтүүгө аракет кылган мусулмандардын алсыз жообу көрүнөт. Бул Ислам душмандары саясий максатта Исламга жана мусулмандарга террор жалаасын жабуусуна карата да айтылган жооп. Алардын “террор” жалаасы артынан адамдарда коркуу пайда болуп, Исламдын чакыруусуна кулактарын жабышты.
Франция жана Британияда пьесаны токтоткон Абдулхамиддин кескин жообу менен журналдын кеңсесине чабуул жасагандардын ортосундагы айырма болсо: мужахиддер кылмышкер катары таанылды, пайгамбарыбызга акаарат кылгандар болсо дүйнөдө алкышка ээ болушту. А түгүл, чабуулду айыптаган мусулмандарга караганда акаарат кылгандар симпатияга ээ болушту.
Бул болсо уятсыз “Шарлиэбдонун” мусулмандар арасында протесттик маанайды пайда кылуу менен бирге алардын ачуусуна от чачууну улантуусун шарттады. Алардын карикатураны кайрадан жарыялоодогу максаты ачык: Исламий мамлекет кулагандан кийин алсыраган үммөттүн туйгусу менен ойноо жана чагымчылдык жасоо. Эгер Ислам мамлекети бар болгондо аталган журналдын аракети ушундай болот беле? “Сөз эркиндиги” шылтоосу менен үммөттүн ыйыктыгын тепселегендиктин жазасынан кутула алат беле?
Албетте жок! Бул тууралуу ойлонгондо Ислам мамлекетин жана анын халифасын миң жолу эстемек. Үммөттүн хазаратына тил тийгизүүгө эч качан батынбайт болчу!
Хизб ут Тахрирдин борбордук маалымат бөлүмү үчүн жазган Зинат Ас-Самит

LEAVE A REPLY

Please enter your comment!
Please enter your name here