بِسْمِ اللهِ الرَّحْمٰنِ الرَّحِيمِ
Эрдаган яхудий вужудунун коопсуздугуна канчалык жан күйдүрүп жатканын далилдөөдө!
Түркия президенти Эрдаган: «Жакынкы Чыгышта тынчтык жана туруктуулук чөйрөсүн жаратуу үчүн бардык тараптардын аракети зарыл», – деп баса белгиледи. («Анадолу» агенттиги, хижрий 1443-жыл, 19-жумадулаввал, миладий 2021-жыл, 23-декабрь).
Ал бул жөнүндө шаршемби күнү Анкарадагы президенттик резиденцияда Түркия яхудий коому жана исламий өлкөлөрдөгү раввиндер коалициясынын мүчөлөрүн кабыл алганда айтты.
Ал: «Биздин (израиль) өкмөтүнө жолдогон эскертүүлөрүбүз Жакынкы Чыгыштагы маселелерге узак мөөнөттүү тынчтык жана туруктуулук көз карашынан жандашууну камсыздайт», – деп кошумчалады.
Эрдаган баса белгилешинче, Фалестин маселеси, өзгөчө Куддус жаатындагы ар кандай кадам фалестиндиктердин эле эмес, (израилдин) да коопсуздугун камсыздайт.
«Ошондуктан, мен (израиль) президенти Ицхак Герцог жана премьер-министр Нафтали Бенет менен кайра баштаган сүйлөшүүлөрүбүзгө өзгөчө көңүл бурам», – деп кошумчалады ал. Эрдаган Түркия-(израиль) мамилелеринин региондогу коопсуздук жана туруктуулуктагы өтө чоң маанисине көңүл бурду».
Роя:
Эрдаган бул билдирүүсү менен яхудий вужудунун коопсуздугуна жана туруктуулугуна, аны менен болгон турмуштук мамилелерге канчалык жан күйдүрүп жатканын далилдеп жатат. Ал бул сөздөрдү кресттүүлүк идеясынан жана кресттүү Америкага болгон достугунан келип чыгып сүйлөп жатат. Негизи, аны шахмат пешкасы сыяктуу ойнотуп, Шам, Ирак, Ливия, ал тургай, Фалестин жана башка исламий өлкөлөрүбүздөгү саясатын жана пландарын аткарууда пайдаланып жаткан тарап ушул кресттүү Америка мамлекет болот. Эрдаган бүтүндөй Уммат душмандары тарабына өтүп алганын жана алардын мубарек жерде яхудий вужудун бекемдөөдөгү пландарын аткарып жатканын ачык айтууда.
Эрдаган яхудий вужуду менен мамилелерди нормалдаштыруу жана экономикалык алакаларды орнотуу (израиль) менен Фалестин маселесин чечүүдө жасалма, жалган келишпестикке баруудан да маанилүү экенин баса белгилөөдө! Бул нерсе анын билдирүүлөрүнөн ачык-айкын көрүнүп турат. Эмнеге ачык көрүнбөсүн, акыры, ал «Түркия-(израиль) мамилелеринин региондогу коопсуздук жана туруктуулуктагы өтө чоң маанисине көңүл бурса» о.э. «Фалестин маселесиндеги көз караштары ар түрдүү болушуна карабастан, эки мамлекет ортосундагы мамилелер экономика, соода жана туризм тармактарында өнүгүп жаткан» болсо?! Ушул себептен улам, Эрдаган баскынчы яхудийлер менен Фалестин маселесинде көз караштардын ар түрдүү болушу алар менен мамилелерди нормалдаштырууну жана аларды мамлекет катары таанууну бузбайт деп айтууда.
Эрдаган Американын өлкөлөрүбүздөгү ыплас пландары тарабына өтүп алуу менен Ислам Умматына каршы чабуулун улантууда. Бул пландардын негизгиси – кафир Батыштын Ислам Умматына каршы кресттүүлүк согушунда яхудийлерди биринчи саптагы база катары бекемдөө. Эрдаган яхудий вужуду менен мамилелерди нормалдаштырууда бул ирет эч уялбай аракет кылууда. Себеби, яхудийлер менен алака байланыштарын жолго коюуну жөнөкөй иштей беймарал сүйлөп жатат о.э. Ислам Умматынын жана жаштарынын убада-шертин сындыруу ниетинде саясий чебердик менен сүйлөп жатат. Бул Уммат жана жаштары, Салахиддин Айюбий кресттүүлөрдү түп тамыры менен жок кылгандай, бүгүн да яхудий вужудун түп тамыры менен кулатууга ынтызар.
Шексиз, Умматты адаштыруу Эрдагандын да жана исламий өлкөлөрдөгү башка башчылардын да колунан келбейт. Себеби, Уммат өзүнүн тагдырий маселесин түшүнүп жетип, Аллахтын шариятын колдонуу жана мубарек жерди азат кылууга умтулуп, алардын тарабында кимдер турганын, Эрдаган жана анын рувайбиза кесиптештери мына ушундай билдирүүлөрүнө карабастан, Уммат душмандары, негизинен яхудий вужуду сабында турганын көрүп турат.
Эрдаган жана башка акимдер яхудий вужуду тарабында туруп, аны менен мамилелерди нормалдаштырып жатканы бул мубарек жердин «аны яхудийлерден азат кылуу жана ыпластыгынан тазалоо» деген шаръий чечимин өзгөртө албайт. Фалестинди азат кылуу Ислам Умматынын ар бир калыс перзентинин максаты болуп калат. Уммат бул максатты Хиттин жана Айн Жалутта ишке ашырган, демек, жакынкы күндөрдө Пайгамбарлык минхажы негизиндеги экинчи рошид Халифалык көлөкөсүндө Аллахтын уруксаты менен албетте ишке ашырат.
﴿وَيَقُولُونَ مَتَى هُوَ قُلْ عَسَى أَن يَكُونَ قَرِيباً﴾
«Ал (күн) качан болот? деп (сурашат). Балким, жакында болоор, деп айткын!» [17:51]
Роя гезити, №372, 2021-жыл, 29-декабрь.
