АКШ Сириянын түндүгүндө чоң түрмө курду
АКШ админстрациясы Сириянын түндүгүндө өтө жакшы корголгон түрмө курду. Түрмөдө туткундарды тергөөгө ала турган жана камап коё турган бөлмөлөр о.э. сакчылар үчүн жашоочу жайлар бар. О.э. бул чоң абак видео көзөмөл, мунаралуу типтеги күзөтүү станциялары жана “Т-Wалл” системасы деп аталган калың дубалдар о.э. дубалдарга орнотулган видео камералар менен корголгон.
Сириянын Хасаки шаарындагы булактардан алынган маалыматтарга ылайык, АКШ Сирияда согушуп жаткан чет өлкөлүк жогорку даражалуу согушкерлерди камоо үчүн эски мектепти түрмөгө айланткан. Түрдүү аймактарда кармалып турган бардык туткундар буга чейин Ракканын түндүгүндө жайгашкан Айн-Исадагы чоң түрмөгө алынып келинет эле.
Регион калкына АКШнын “аскерий мекемеси” катары таанытылган бул түрмөдө кызмат кылып жаткандардын бардыгы америкалыктар экендиги белгилүү болду. А бирок, Түркия тарабынан террорчулар тизмесине киргизилген Сирия демократиялык күчтөрүнүн (ЙПГ/ПКК) өкүлдөрү да маал-маалы менен ал жерге кирип чыгып жатканы күзөтүлгөн.
АКШ мусулмандардын өлкөсүндө мусулмандар үчүн түрмөлөрдү курууда, аскерий базаларды ачууда. Ислам өлкөлөрүнүн башчылары болсо мансаптарын сактап калуу үмүтүндө буга сүкүт сактап, ыраазылык билдирип, АКШнын талаптарына моюн сунушууда.
Сириянын түндүгүндө АКШнын көптөгөн базалары бар. Айн-Исанын түштүк-батыш бөлүгүндө Сирия демократиялык күчтөрү деген аталыштагы ЙПГ/ПКК базасында болжол менен 200 АКШ кызматкери жайгаштырылганы айтылат.
