Атамбаев расмий сапар менен Грузияга жөнөп кетти
Президент аппаратынын маалымат саясаты бөлүмүнүн кабар беришинче, Алмазбек Атамбаев 12-13-октябрь күндөрү расмий сапар менен Грузияда болот. Расмий сапар алкагында Атамбаев Грузия президенти Георгий Маргвелашвили менен жолугат.
Кабарга ылайык, жолугушууда эки тараптуу мамилелерди бекемдөө, соода-экономикалык, инвестиция жана гуманитардык тармактарда кызматташууну күчөтүү маселелери талкууланат. Жолугушууда бир катар келишимдерге кол коюлат
Грузияда эки күн болгондон кийин Алмазбек Атамбаев 13-14-октябрь күндөрү иш сапары менен Арменияга барып, Жамааттык коопсуздук келишими уюму (ЖККУ) жыйынында катышат. Жыйында уюмга мүчө мамлекеттер Армения, Беларусия, Россия, Казакстан башчылары менен эл аралык жана аймактык маанилүү маселелер, коркунучтарга каршы кызматташтыкта күрөшүү маселелери талкууланат.
