Путин: Түркиянын Сириядагы ролун жогору баалайбыз
РФ президенти Владимир Путин Кремлде уюштурулган ырасымда Түркиянын Москвадагы жаңы элчиси Хусейн Дириоздун ишеним грамотасын кабыл алды.
Ырасымда сөзгө чыккан Путин Сирияда ишке ашырылган ок атууну токтотуу келишими тууралуу айтып, Россия-Түркия алакасы күндөн-күнгө өнүгүп бара жаткандыгына басым жасады.
Путин: “Түркия менен алакаларыбыз ишенимдүү көрүнүштө оңолуп барууда. Түркия президенти Режеп Таййип Эрдоган менен 10-март күнү өтө ийгиликтүү жолугушуу болду. Ал жолугушууда “Түрк Аккую” сыяктуу ири энергетикалык долбоорлорду ишке ашыруу маселеси өзгөчө талкууланды”, – деди.
О.э. Түркиянын Сирия маселесинде көрсөткөн кызматын алкыштады. Анын айтымында, Россия-Түркия кызматташтыкта Сирия маселесине саясий чечим табуу жана терроризмге каршы күрөшүү жаатында жаңы-жаңы долбоорлорду түзүү о.э. келечекте дагы эмнелер кылуу туурасында иш алып барууда.
“Россия жана Түркиянын жардамы менен Асад күчтөрү жана куралдуу козголоңчулар ортосундагы согушту токтотууга жетиштик. Биз бул жаатта Түркия ойногон ролду билебиз жана жогору баалайбыз. Бул иштер Сирия маселесинде сүйлөшүүлөрдү уюштурууга жардам берди”, – деди Путин.
