“…өлкө элинин эмес, өз айылынан керектүү добуш алууга көзү жетпегендер бүгүн бийликти күч менен басып алууну көздөп жатышат. …Мындан ары бийликти күч менен басып алуу аракеттери аёосуз жазаланат”, — деди президент Атамбаев.
Анын айтымында, “Элдик парламент” мүчөлөрү эмнеге камалганын мамлекет калкынын көпчүлүгү жакшы билет.
“Алар 17-майда бийлик алмашары, ал үчүн жоокерлер, куралдар келгени тууралуу өз ара мактанышканын уктуңар”, — деди президент.
Дагы: “Алар артында чет элдик атайын кызматтардын генералдары турганына ачык эле мактанышууда. Жана чет элдик кожоюндарынан кезектеги акчалар келгенине кубанышууда”, — деп улады сөзүн Атамбаев.
Анын айтымында, саясатчылардын мындай кылыктары “тойгузуп бүттү”.
“Демократия – бул закон диктатурасы. …Эгер жалпы эл Атамбаевдин кетүүсүн каалайт деп ойлосоңор, анда президент Атамбаевге ишеним көрсөтүү боюнча референдум өткөрсөңөр болот. Мындай демилгеңерди колдойм деп убада берем. Эгер эл мага каршы добуш берсе, ошол замат отставкага кетем”, — деди Кыргызстан жетекчиси.
“Бирок азыр мен мамлекет башчысы болуп турганда, дагы бир жолу ачык эскертип коёюн: мындан биякка өлкөнү туруксуздаштырууга болгон бардык аракеттерге тыюу салынат жана алар мыйзамга ылайык катуу жазаланышат. Эч кимди башынан сылап олтурбайбыз, — деп белгилеген Атамбаев дагы минтип кошумчалады –оппозицияга чет элдик атайын кызматтардын генералдары жардам көрсөтүп жатканына келсек, бул тууралуу бир гана нерсени айта аламын. Биздин ата-бабаларыбыз муну жөн эле: бул жардам эмес, бул мекенди сатуу, — деп коюшкан”.
Белгилүү болгондой, Кыргызстан атайын кызматы 12-май күнү “Элдик парламенттин” 3 жетекчиси: Бекболот Талгарбеков, Төрөбай Колубаев жана Марат Султоновдорду “бийликти күч менен басып алууга урунду” деп айыптап, камакка алган эле.
Түркистон:
Кыргызстандын саясий чөйрөсү башы туюк көчөгө кирип калды. Ал буга чейин Россияга сүйөнүп келген. Россия мамлекетибизди бүлгүнгө учуратып, эки жолу улуттар аралык согуш чыгарганына жана эки жолу бийлик алмаштырып, жүздөгөн жарандарыбыздын өлүмүнө себеп болгонуна карабай, бу алсыз саясий чөйрө ар дайым Россияга таянып келген.
“Элдик парламенттин”аракети – ошо алсыз саясий чөйрөгө басым өткөрүү механизминин кезектеги бир окуясы. Кыргыз саясатчылары Россияны гана тандоолору үчүн, Россия Кыргызстанда саясий багыт пайда кылып койгон. Ошондуктан, Кыргызстандагы саясий чөйрө калкты Россияга каршы аракеттендире албайт. Себеби, бул саясий чөйрө эчендеген жылдар бою орустардын сакофий колнизаторлугу астында калыптандырылган. Кыргыз саясий чөйрөсү Акаев доорунан бери өзгөргөн эмес. Муну билген Россия, Акаев менен Бакиевди бириктирип, аларды өтө алсыз болгон Атамбаевдин саясий командасына каршы багыттады. Атамбаев өз амбицияларын жылоолой албаган эмоциялуу киши экени белгилүү. Ал өзүнүн колундагы админстративдик кубаттан таасирленет. А негизи, президент элитаны өзгөртө албаган. Мындан тышкары, ал элди улутчулдук туйгулары менен да өзүнө тарта алган эмес. О.э. Атамбаев да – куду Акаев жана Бакиев сыяктуу – мусулмандардын этибарларынан өнүмдүү пайдалана албады. Тескерисинче, ал да Россияга жагынмакчы болуп, Исламга каршы күрошүп, мусулмандарга зулум өткөрө баштады. Ушуну менен, Атамбаевдин артында көп деле күчкө ээ эмес админстративдик ресурстары гана калды. Эгер ал референдум откөрмөкчү болсо, ошол адменстрациясы оз абалдарын сактап калышы учүн, өтө чоң мыйзам бузууларга барышына туура келет. Бул болсо кырдаалды ого бетер курчутуп жиберет. Атамбаев да муну жакшы билет, элдин болсо аны колдоп-кубаттап жибериши таптакыр күтүлбөйт. Болгону, ал убакыттан гана утмакчы.
Бирок, кырдаалдын ушундай курч абалда тура бериши да Атамбаевдин зыянына иштейт. Себеби, бюджет абдан начар акыбалда. Мунун үстүнө, Россияга жагамбы деген үмүттө, өкмөт Кумтөр ишин токтотуп койду. Бул да бюджетке урулган кошумча сокку болду. Бюджеттеги дефицитти болсо, чет элден дагы карыз алуу менен толтуруп туруш керек эле. Лекин ушу кезде мамлекеттин карызы 60% дан ашып кетти деген ызы-чуу көтөрүлдү. Өкмөт абдан кыйын акыбалда калды. Анын салыктар көлөмүн көтөрүүдөн башка аргасы деле калбады. Калктын жашоо деңгээли болсо, жакырчылыктан да ылдый түшүп баратат. Ошондуктан, калк электр энергиясына кошулушу күтулүп жаткан 10 тыйын үчүн да нааразылык акцияларына чыгууга даяр.
Биз Кыргызстан жетекчилерине көп жолу кайрылуулар жолдодук. Азыркы эл аралык саясатта туруктуу дос же туруктуу душман болбойт дедик. Алардын арасында өзгөрүп туруучу кызыкчылыктар гана рол ойнойт. Кызыкчылыктардын жүзөго чыгышы болсо, алардын бизге өткөрө ала турган басымдарына байланыштуу. Басым өткөрүүнүн негизги кубаты жарандар базасы менен белгиленет. Т.а. мамлекет жарандарынын массалык пикирин ким өз тарабына тартып алган болсо, ошол чыныгы кубат ээси болуп калат. Тескерисинче болуп, жарандардын колдоосуна жетише албаган болсо, ал оңой олжого айланат. Капиталисттик система мындай алсыз жетекчини женил эле кулатып коёт.
Кыргызстан жарандарынын негизги кубаты Ислам дининде жана мусулмандарда жатат. Биз мамлекет жетекчилерин мусулмандарга зулум кылуудан көп жолу кайтардык. Бирок, угушпады. Алар ар дайым улутчулдук байламтасы менен байланып турган улутчулдарга ишенип,абдан чоң каталарды кетиришти. Мусулмандар бул жараяндарга эч бир аралашкан жок. Бул албетте эң туура позиция.
Эми Атамбаев абалды убактылуу кармап турганы менен, бирок эч нерсеге жетише албайт. Ошондуктан, ал эки күчтүн кайсы бирине таянуу тууралуу баш катырат. Биринчиси, Россия менен мамилелерди кайра калыбына келтирүү. Экинчиси, Порошенко сыяктуу Украинадагыдай кырдаал жаратууга ыраазы болуп, Батыш менен келишим түзүү. Бирок, бул экөөндө тең Кыргызстан калкы үчүн тынчтык да, жыргалчылык да жок.
