Жогорку Кеңеш экс-президенттерди жоопкерчиликке тартуу маселеси каралган мыйзам долбоорун иштеп чыгууга киришти
Кыргызстан парламентиндеги эки тиешелүү комитетке экс-президенттерди жоопкерчиликке тартуу маселесин тартипке салуучу мыйзам долбоорун иштеп чыгуу тапшырылды. Бул тууралуу EADaily маалымат агенттиги кабарлады.
“Сөз келечекте экс-президенттер кылмыш кылганда жоопкерчиликке тартылышы керектиги жөнүндө болууда. Биз эми ушундай мыйзам иштеп чыгышыбыз керек”, – деди депутат Исхак Масалиев.
Депутат Дастан Бекешовдун билдиришинче, депутат Масалиевдин – экс-президент Алмазбек Атамбаевдин кол тийбестигин алуу туурасындагы мыйзам долбоорун жана экс-президенттерди кол тийбестик укугунан ажыратуу механизмдерин иштеп чыгууну комитеттерге тапшыруу – сунушу макулданган.
