Кытай абагында бурадарыбыз шахид болду
Хизб ут Тахрир исламий саясий партиясынын мүчөсү болгон Сайид Жихан Надиров бутпарас Кытай бийлигинин абагында 28-ноябрь күнү шахид болгон кабары келди.
Ислам жана мусулмандарга аёсуз күрөшү менен таанылган мушрик кытай бийлиги Надировду Пекиндеги абакта шахид кылган. Бурадарыбыз Чыгыш Түркистанга даават жүгүн ташып барган алгачкылардан эле. Кытай өкмөтү бурадарыбызды 2000-жылдары уурдап кеткен боюнча 19 жылдан кийин сот чечимин чыгарган. Соттун чечиминде 19 жыл бою абакта кармалып турганы эске алынган эмес.
Учурда боордошубуздун жубайы да мушриктердин мусулмандар үчүн даярдаган лагерлеринин биринде зулумдук чегип жатканы маалым болду. Аталган лагерлерде миллиондогон мусулмандар сакталып турганы маалым. Аларга жийиркеничтүү жолдор кыйноолорду колдонуп келгени да маалым. Буга чейин эл аралык эксперттер Шинжаңда бийлик аялдарды боюнан алдырууга, аборт жасатууга мажбур кылган фактыларды жарыялашкан. Натыйжада, Шинжаңда балдардын төрөлүшү соңку жылы 24 пайызга, айрым райондордо 84 пайызга азайган. Кытай бийлиги 2014-жылдан 2019-жылга чейин мындай борборлордо Шинжаңдын 7,7 миллион адамы даярдыктан өткөнүн билдирген. Мушриктер буга кошумча “туугандар” деген ыплас өнөктүк ойлоп табышкан. Мындай кызматкерлер мусулман үй-бүлөлөргө 2 айда бир келишип, 6 күн бою ошол үйдө жашап, кудайсыз бийликтин тарбиясын беришет. А түгүл, кожойкелер менен бир төшөктө жатышат. Буга каршы чыккандарды болсо “саясий лагерлерге” жөнөтүшөт. 2018-жылдан бери мушриктер өздөрү менен кошо спирт ичимдиктерин жана чочко этин да ала барышып, мусулмандарды да бул арам тамактардан оозанууга мажбурлашууда.
Бул мушрик кытай бийлиги мындай зулумдуктарга мусулмандардын калканы болгон Халифалык мамлекети жоктугунан улам батынууда. Ал эми, учурда мусулман жетекчилер Кытайга жасаган малайлыктары жана үммөткө кылган кыянаттыктары менен гана белгилүү. Демек, мындай абалдын чечими Кытайды тарыхта ийинине киргизгендей Улуу Халифалык мамлекетти тикелөө аркылуу мусулмандардын коопсуздугун камсыздоо. Ошондуктан, биз мусулмандар саткын бийликтерден же эл аралык саясаттан мусулмандардын укугун коргошуна үмүт артпашыбыз керек. Анткени, бүгүн Кытайдын мусулман калктарды ассимиляция кылуу саясатын каралап жаткан Батыш баштаган уюмдардын позициясы эртең толугу менен өзгөрүп калышы мүмкүн.
Андыктан, мусулмандар улутчулдук, мекенчилдик сыяктуу оорулардан арылып, Ислам идеологиясы негизинде биригүүнү тезинен башташы шарт! Ибн Умар разияллоху анхудан риваят кылынат: Расулуллах саллаллаху алайхи ва саллам айтты: “Мусулман – мусулмандын боордошу. Ага зулум да кылбайт, аны тек да таштап койбойт. Кимде-ким боордошунун кажетин чыгаруу жолунда болсо, Алла анын кажетин чыгаруу жолунда болот, кимде-ким бир мусулмандын капалыгын таркатып жиберсе, Алла кыямат күнүндө анын бир капалыгын таркатып жиберет, кимде-ким бир мусулмандын айыбын жапса, Алла кыямат күнүндө анын бир айыбын жабат”, – деди. (Бухарий жана Муслим риваяты).
Мумтаз Маверанахрий
