Кыргызстан Ички иштер министрлиги адамды жүзүнөн тааный турган камералардын натыйжасын кабарлады
Кабар: Кыргызстандын Ички иштер министрлиги 13-июнда КМШ өлкөлөрүндө мамлекет аралык издөө жарыяланган 57 адам сырткы видео көзөмөл системасы аркылуу аныкталып, милицияга жеткирилгенин кабарлады. Кабарда келишинче, Россиянын коопсуздук күчтөрү кыргызстандык кесиптештерине мамлекет аралык издөө жарыяланган 85 миң адамдын сүрөтүн тапшырган.
Министрлик адамды жүзүнөн тааный турган камералар кайсы мамлекет тарабынан орнотулганы жана маалыматтар кайсы мекемеде сакталары жөнүндө маалымат бербеди. Министрлик жарыялаган видео материалдардын биринде экранда “Tiandy” деп жазылып турганын көрүүгө болот. Бул компания Кытайда видео көзөмөл камераларын чыгаруучу жетекчи компаниялардан болуп эсептелет.
Комментарий: Кыргызстандын ички иштер министрлиги адамды жүзүнөн тааныган камераларды кайсы мамлекет орноткону жөнүндө маалымат бербегени менен, бул Кытайдын иши экендиги жашыруун сыр эмес.
Ички иштер министрлигинин “адамды жүзүнөн тааныган видеокамералар жарандардын коопсуздугун камсыздоо үчүн орнотулду” дегени негизсиз, куру сөз. Эгер чындап эле адамды жүзүнөн тааный турган видеокамераларды орнотуудан көздөлгөн максат жарандардын коопсуздугун камсыздоо болсо, бул иш Кыргызстандын өзүнүн деле колунан келмек.
Ушундай болгон соң, бул долбоорду ишке ашыруу мамлекеттин колунан келип туруп да, чет өлкөгө тапшыруусу үммөттү душманга сатуу болуп эсептелет. Себеби, алар тартып алынган видеоматериалдарды өзүбүзгө каршы колдонушат. Кытай Чыгыш Түркстанда адамдарды жүзүнөн тааный турган “акылдуу камераларды” орнотуп, бүгүнкү күндө үч миллионго жакын уйгурдун башына кандай күндөрдү салып жатканын көрүп турабыз го. Эртең эле ушундай күндөр биздин да башыбызга келип калышы мүмкүн.
Ал тургай ИИМдин кабарына караганда, Кыргызстан бийлигинин өзү да бул камералардан мусулмандардын артынан аңдуу, аларды издеп табуу жана камакка алуу үчүн пайдаланууда. Бүгүнкү күндө бул камералар алардын колундагы репрессия куралына айланып болгон.
Абдурахман Адилов
