АКШнын союздаштары Асад режими менен жолугушту
Иордания, Саудия, Ирак жана Мисирдин тышкы иштер министрлери Иорданиянын борбору Амман шаарында Башар Асад режиминин тышкы иштер министри Файсал ал-Микдад менен жолугушту. Бул тууралуу Иорданиянын Тышкы иштер министрлиги кабарлады.
Билдирүүдө айтылышынча, жолугушуу Саудиянын Жидда шаарында өткөн Перс булуңу кызматташтык кеңеши саммитинин уландысы болуп эсептелет. Белгилүү болгондой, 2023-жылдын 14-апрелинде Жидда шаарында Перс булуңу кызматташтык кеңешине мүчө мамлекеттердин т.а. Мисир, Иордания жана Ирактын тышкы иштер министрлери жолугушуп, Сирия кризисине саясий чечим табуу жаатында ишке ашырылып жаткан аракеттерди талкуулашкан болчу.
Буга чейин Араб мамлекеттери Лигасынын өкүлдөрүнөн турган делегация Дамаскка баргандыгы жана Сирия тышкы иштер министри Файсал ал-Миқдад 12-апрелде Саудияга барып, кесиптеши Файсал Бин Фархан менен жолугушкандыгы белгилүү болгон.
Комментарий: Хизб ут-Тахрир уюму АКШнын тынымсыз кайталаган “биз Асад режими менен мамилени эч качан кайра калыбына келтирбейбиз жана бул жаатта эч бир мамлекетти колдобойбуз” деген мазмундагы билдирүүлөрү о.э. Түркия менен Саудия сыяктуу аймактагы режимдер өздөрүн козголоңдун тарапкери кылып көрсөтүшү жалган жана айла-амал экендигин ар дайым баса белгилеп келди. Мына бүгүнкү күнгө келип, Асад режимин мыйзамдаштыруу максатындагы АКШ башчылыгындагы бул аракеттер алардын чыныгы жүзүн ачып койду. АКШдан Сирия режимин кайра жандантуу боюнча тапшырма алган аймактагы режимдер, күтүлгөндөй эле, ушул кезге чейин канкор деп келген Асад режими менен уялбастан ачык-айкын жолугушууларды өткөрө башташты.
Сирия козголоңу башталгандан бери Американын жетекчилиги алдында бул козголоңго каршы тил бириктирүүлөр уланып келет. Себеби, козголоңду жок кылуу жана Асад режимин сактап калуу Батыш үчүн да жана анын малайлары үчүн да “аба менен суудай” зарыл. Антпесе, Асаддын кулашы алар каттуу корккон Халифалык мамлекети тикелениши менен аякташы мүмкүн эле. Ошондуктан, бүгүнкү күндө – мейли Сирия калкы саясий аң-сезими өскөндүгү себептүү мындай аракеттерди катъий четке кагып, Шаръий башкаруудан башкасына ыраазы болбой жаткан болсо да – АКШнын талабына ылайык Асад режимин мыйзамдаштыруу аракеттери күчөдү. Аймактагы өзүнө көз каранды болгон мамлекеттерди ушул милдетти аткарууга жумшаган АКШ өзүнүн кызыкчылыктарын коргоп келе жаткан Асад режимин Россия, Түркия жана Ирандан турган “Астана үчтүгү” менен бутка туругузуп алган соң, Сирия козголоңуна БУУнун Коопсуздук Кеңешинин №2254- резолюциясы негизинде акыркы чекитти коймокчу болууда. Кечээ күнү Москвада Түркия, Россия, Сирия жана Ирандын коргоо министрлери жана разведка кызматынын жетекчилери ортосунда өткөн жолугушууда да иштер БУУнун Коопсуздук Кеңешинин №2254-резолюциясына ылайык жүрүп жатканы баса белгиленди. Бул резолюция Асад режимин коопсуздук жана аскерий мекемелери о.э. илманий конституциясы менен бүтүн бойдон сактап калууга каратылгандыгы белгилүү.
Ушундай болгон соң, Шам калкы жана бардык мусулмандар Ислам Үммөтүнүн башына келген бул мусибат жана азаптардан биротоло кутулуу үчүн куфр калкы менен тил бириктирүүчү жана кыянатчы өкмөттөрдүн айла-амалынан сак болуп, өздөрүнөн болгон аң-сезимдүү калыс саясий жетекчиликке жүздөнүшү жана алар менен бирге натыйжалуу түрдө олуттуу аракет кылышы керек. Үммөт арасынан чыккан ушул калыс аң-сезимдүү жетекчилик мусулмандардын жүгүн мойнуна артып, алар менен биргеликте козголоңдордун максатын жүзөгө чыгаруу үчүн аракет кылууда. Бул жетекчиликтин колунда Үммөттүн акыйдасынан балкып чыккан куткаруучулук долбоору бар. Бул долбоор – элүүдөн ашык мамлекетчелерге бөлүнүп кеткен Исламий өлкөлөрдү бир байрак астына бириктирип, Расулуллах ﷺ буюрган Халифалык түзүмү көлөкөсүндө Исламий башкарууну тикелөө долбоору.
Тыянактап айтканда, Сирия козголоңу – бүт дүйнөнүн тил бириктирүүсү каршысында калса да – албетте жеңишке жетет. Себеби, Шам калкынын куфр режимин четке кагып, Шариятты талап кылуусу өзгөргөн жок. Болгону козголоң улуу куткаруучулук долбооруна ээ болгон, калыс, аң-сезимдүү саясий жетекчиликке аябай муктаж. Себеби, ушул жетекчилик мусулмандардын сабын тартиптештирип, Ислам Үммөтүн зордук-зомбулуктан куткарат.
Зохид Заргар
