بِسْمِ اللهِ الرَّحْمٰنِ الرَّحِيمِ
Исламдагы нусустар мусулмандарды акыйда жаатында ширкке, адашууга жана Аллахтын шариятынан чыгууга алып бара турган нерселерде жана жалпысынан дин маселелеринде башка дин жана мабда ээлерин ээрчүүдөн ачык-айкын кайтарган. Аларды ээрчүүнү каралаган бир катар аяттар бар. Мисалы, Аллах Таала айтат:
﴿وَإِذَا قِيلَ لَهُمُ اتَّبِعُوا مَا أَنزَلَ اللهُ قَالُواْ بَلْ نَتَّبِعُ مَا أَلْفَيْنَا عَلَيْهِ آبَاءنَا أَوَلَوْ كَانَ آبَاؤُهُمْ لاَ يَعْقِلُونَ شَيْئاً وَلاَ يَهْتَدُونَ﴾
«(Мушриктерге): «Аллах түшүргөн өкүмдөргө баш ийгиле», делген кезде алар: «Жок, биз аталарыбызды кандай жолдо тапкан болсок, ошого ээрчийбиз, баш ийебиз» дешет. Эгер, аталары эч нерсеге акылдары жетпеген, туура жолду таба алышпаган болушса дагыбы?!» [2:170]
Аллах Азза ва Жалла дагы айтат:
﴿وَإِذَا قِيلَ لَهُمْ تَعَالَوْا إِلَى مَا أَنزَلَ اللهُ وَإِلَى الرَّسُولِ قَالُواْ حَسْبُنَا مَا وَجَدْنَا عَلَيْهِ آبَاءنَا أَوَلَوْ كَانَ آبَاؤُهُمْ لاَ يَعْلَمُونَ شَيْئاً وَلاَ يَهْتَدُونَ﴾
«Качан аларга: «Аллах түшүргөн нерсеге жана пайгамбарга келгиле» делсе, алар: «Биз үчүн ата-бабаларыбызды эмненин (кайсы диндин) үстүндө тапкан болсок, ошол жетиштүү», дешет. Эгер, ата-бабалары эч нерсени билбеген жана туура жолду таба албай турган болушса дагыбы, ыя?!
[5:104]
Ислам – акыл жана пикир дини. Аллах Таала айтат:
﴿ثُمَّ جَعَلْنَاكَ عَلَى شَرِيعَةٍ مِنَ الْأَمْرِ فَاتَّبِعْهَا وَلَا تَتَّبِعْ أَهْوَاء الَّذِينَ لَا يَعْلَمُونَ﴾
«Кийин (эй Мухаммад), Биз сени (дин) ишинен бир шарият (ачык-айкын жол) үстүндө (бекем) кылдык. Ошондуктан, сен (ушул жолду гана) ээрчигин жана билбеген кимселердин көңүл каалоосуна ээрчибе!» [45:18]
Аллах Субханаху айтат:
﴿فَاسْتَقِيمَا وَلاَ تَتَّبِعَآنِ سَبِيلَ الَّذِينَ لاَ يَعْلَمُونَ﴾
«Туура Жолдо бекем болгула жана билбеген адамдардын жолун эч качан жолдобогула!» [10:89]
Роббибиз Субханаху ва Таала билбегендердин жолун жолдобошубузду айтып жаткан болсо, эмнеге Батыш-Чыгышка жүздөнүп, Аллахтын Китебиндеги жана Расулу Aдын Сүнннөтүндөгү өкүмдөрүн таштап жатабыз?! Ошондуктан, келгиле, оо, мусулмандар, үстүртөн фикирлөөнү, аң-сезимсиз жана пикирсиз ээрчүүнү токтотолу. Акыры, биз гана адамдар үчүн чыгарылган эң жакшы Умматпыз го, бирөөлөр сызып берген жолду ээрчүүчүлөр эмес, адамдарга жол сызып сызып берүүчүлөрбүз го?!
Роя гезити, №425, 2022-жыл, 11-январь.
