Талибандын колундагы экинчи ыңгайлуу учур

Талибандын колундагы экинчи ыңгайлуу учур

Миладий 654-жылдын башында мусулмандар тарабынан фатх кылынып, Ислам диярына кошулган Афганистан географиялык жактан стратегиялык мааниге ээ өлкө болуп эсептелет. Маанилүү экендиги ушунчалык дейсиң, ким Афганистанды ээлесе, бүтүндөй регионго таасирин өткөрүү мүмкүнчүлүгүнө ээ болот. Ошондуктан да кубаттуу мамлекеттер кылымдар бою Афганистанды басып алууга умтулуп келишкен. Мисалы, миладий жыл эсептен мурда Александр Македонский чыгышты басып алуу үчүн алгач Афганистанды ээлеп, аны коридор катары пайдаланган. О.э. бул өлкө өз кезегинде түрктөрдүн, индустардын, перстердин жана Чыңгыз хан аскерлеринин бутасына айланган.

Акыркы кылымда Британия, падышалык Россия, СССР жана Американын чабуулуна дуушар болду. Бирок, булардын эч кимиси Афганистанда толук жеңе албады. Тескерисинче, Ислам динин бекем карманган, өтө кайраттуу, эр жүрөк афган калкы Афганистанды ал империялардын кабырына айландырды.

Буга чейин тиги же бул мамлекетке малай болгон Кабул өкмөтү кожоюндарынын буйругун аткарып келген. А бирок, өткөн кылымдын аягында Талибан кыймылы бийликке келиши менен Афганистанда жаңы доор башталды. Себеби, Талибан мурункулардан айырмалуу түрдө шариятты колдонорун билдирип, молдо Умар башчылыгында Афганистан Исламий амирлигин жарыялады.

Ошондо Хизб ут-Тахрир Талибан кыймылына кайрылуусунда, ыңгайлуу учурдан пайдаланып Халифалык мамлекетин жарыялоого чакырды. А бирок, Талибан кыймылы ал чакырыкты четке какты. Кийинчерээк, Талибандын башчысы молдо Умар Халифалык долбооруна нусрат берүү сунушун кабыл албаганы ката болгонун моюндаган эле.

Бүгүнкү күндө дүйнөдөгү мусулмандар Талибан кыймылына Аллах Таала мурункусунан да жакшыраак болгон экинчи мүмкүнчүлүктү бергенине күбө болуп турабыз. Бул учурдан пайдалануу анын колунда. Анткени, Хизб ут-Тахрир дүйнөнүн ар тарабынан Талибанга кайрылуу жолдоп, Халифалык мамлекетин жарыялоого чакырууда. Бир ыңгайлуу учурду колдон чыгарып жиберип, андан соң ага өкүнүп, андан кийин дагы кайрадан ошондой учур болгондо пайдаланбастык мусулмандарга жараша турган иш эмес.

Бул жерде: “Ортодо келишим бар. Мусулман адам келишимге амал кылышы керек”, – деп айтууга болбойт. Себеби, амал кылуу керек болгон келишим – бул эки мамлекет ортосунда түзүлгөн келишим. Талибан Катарда Америка менен келишим түзгөн учурда мамлекет эмес, бир жамаат болчу. Эми мамлекет катары ал келишимге амал кылышы шарт эмес. Себеби, ал келишим мамлекеттер ортосунда түзүлгөн келишим деген макамга ээ эмес. Ошондуктан, Талибан ал келишимди таштап, Афганистанда Халифалык мамлекетин жарыялашы керек.

Бир жамааттын куфр мамлекеттери менен келишим түзүшү кандай кооптуу экендигин Сирия мисалында көрдүк. Сирияда мужахиддер мамлекеттин дээрлик 90 пайызын ээлеп, Асадды бир бурчка такап койгон эле. Мына ошондо куфр мамлекеттери жана анын малайлары мужахиддерди сүйлөшүү столуна чакыра башташты. Астана жана Сочиде өткөрүлгөн сүйлөшүүлөрдөн кийин Асад бир силкинип, мамлекеттин 90 пайызына ээлик кыла баштады. Мужахиддер болсо Идлибден башка бардык жерди колдон чыгарышты. Талибандагы боордошторубузду мындан сабак алууга чакырабыз.

 “Эгер Афганистанда Халифалык мамлекети жарыяланса Америка жана куфр мамлекеттери о.э. аларга малай болгон башка мамлекеттер биригип, Халифалыкты тез эле талкалап салат”, – деп кооптонууга да негиз жок. Өзүңүз бир ойлонуп көрүңүз! Дүйнөдөгү эң кубаттуу мамлекеттин бир мужахид топту сүйлөшүүгө чакырышы эмнени түшүндүрөт? Себеби, дүйнөдөгү супер күч болгон ошол Америка өзүнө окшогон куфр мамлекеттери жана малайлары менен коалиция түзүп алып, 20-жыл согушуп да Талибан мужахиддерин жеңе албады. Негизи, Талибандын мамлекети жок эле. Талибандын колунда бомбалоочу учактар, учкучсуз дрондор жок эле. АКШ болсо колундагы заманбап, эң акыркы үлгүдөгү куралдарын ишке салды. Ошондой болсо да куфр коалициясы Талибан каршысында шерменделик менен чегинүүгө мажбур болду. Эми Халифалык тикеленип, дүйнөдөгү бардык мусулмандар бир байрак астында бириккенден кийин абал кандай болушун элестетип көрүңүз.

Эй Талибан сабындагы таасир ээлери, мындай учурду пайдаланып, Пайгамбарыбызﷺ дын: «Андан соң Пайгамбарлык минхажы негизиндеги Халифалык болот», – деген убадасын жүзөгө чыгаруу үчүн экинчи рошид Халифалык мамлекетин тикелөөгө шашылгыла жана бул дүйнөдө да, акыретте да азиздикке ээ болгула. Эгер силер ушундай кылсаңар, Исламий үммөттүн чыныгы куткаруучусуна айланып, бул дүйнө жана акыретте жеңишке жетишесиңер. Бул дүйнөдө атыңар сахабалар сыяктуу тарых барактарында алтын тамгалар менен жазылып калат. Акыретте болсо Расулуллах ﷺдын ансорлору менен бир сапта болуу сыймыгына ээ болосуңар. Жалгыз Аллахка тобокел кылгыла, себеби Ал Зат эң жакшы жардамчы.

إِنْ يَنْصُرْكُمْ اللَّهُ فَلَا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ فَلْيَتَوَكَّلْ الْمُؤْمِنُونَ

« Эгер, силерге Аллах нусрат берсе, эч ким силерден үстөм болбойт жана эгер силерди жардамсыз койсо, Андан башка эч бир зат жардамчы болбойт, момундар Аллахтын өзүнө гана таянышсын!»[3:160]

Киямуддин Шариф