Бишкекте кайрадан айт намазына тыюу салуу сунушталды
Бишкек мэриясы быйылкы Орозо айт намазын да аянтта өткөрбөөнү сунуш кылып жатат. Бул тууралуу 10-майда борбор калаанын Мамлекеттик санитардык-эпидемиологиялык көзөмөл боюнча мамлекеттик борборунун башкы дарыгеринин орун басары Айнагүл Рыскулбекова билдирди.
Анын айтымында, эпидемиологиялык абал турукташканга чейин жума намазын мечитте жамаат менен окууга тыюу салуу, көп сандаган эл чогулуучу айт намазын өткөрбөө сунуш кылынат.
Белгилүү болгондой, үстүбүздөгү капиталисттик түзүм пайда жана зыянга негизделген. Ошондуктан, өлкөдө эс алуучу жайлар, тойканалар жана башка эл чогулган жайлар ачык болгонуна карабай мечиттерде жума намаз окууга тыюу салынган. Анткени, капиталисттик өлчөө менен караганда мечиттер алар үчүн эч кандай материалдык пайда алып келбейт. Демек, биз мусулмандар жума намазды өтөөгө кандай ынтызар болсок, үстүбүздөгү капиталисттик бузук системаны алып таштоого да ошончолук ынтызар болушубуз шарт. Ошондо гана бардык оорулардын чыныгы дабаасын табабыз. Себеби, Исламий мамлекет жугуштуу оорулардын жайылуусун алдын алууну өзүнө милдет кылып алгандай эле бардык жарандарга алардын жаш өзгөчөлүгүнө карабай акысыз медициналык жардамдарды жана дары-дармектерди берет. Ооруканаларды, медициналык лабораторияларды жана мамлекеттик жарандардын билим алуусун жана коопсуздугун камсыздоо сыяктуу башка негизги муктаждыктарын камсыз кылат.
Ал эми, социалдык-экономикалык жашоо жугуштуу ооруга чейинкидей улануусу керек, антпесе, адамдардын коомдук жашоосу токтоп, үйлөрдө обочолонуп, анан экономикалык жашоо шал болуп же дээрлик жок болот. Ошондуктан, анын натыйжасында бүгүнкү күндө болуп жаткандай башка кризистин улам-улам көбөйө беришине шарт жаралат. Эпидемия тараганда жума жана жамаат намаздары массалык түрдө токтотулбайт. Балким, ооругандарды өзүнчө бөлүп, алар жума жана жамаат намаздарына киргизилбейт. О.э. бардык тазалык жана стерилизация чаралары аткарылат. Дени сак кишилер жума жана жамаат намаздарына барышат.
Жыйынтыктап айтканда, этият болуу фарзды таштоо дегенди билдирбейт, этият чаралар көрүлүп аткарыла берилет. Шаръий үзүрү бар киши жума жана жамат намазына катышпайт, башкалар болсо катышат. Ооругандар бөлүнүп, дени сак кишилер өз иштерин уланта беришет. Алар мечиттерге барып намаз окушат. Аллахтан мындай оорулардан сакташын о.э. чума жана балээни көтөрүшүн сурап дуба кылышат.
Бийлик айт намазы өтөлүшүнө тыюу салса, катуу күнөөкөр болот. Демек, биз мусулмандар бийлик ээлеринен мына ушул иштердин аткарылышын талап кылып, Ислам баалуулуктарын, өкүмдөрүн тебелеп-тепсөөгө жол бербешибиз шарт!
Мумтаз Маверанахрий
