Мирзиёев расмий сапар менен Кытайга кетти
Өзбекстандын президенти Шавкат Мирзиёев 24-апрель күнү, Кытай Элдик Республикасынын жетекчиси Си Цзиньпиндин чакыруусуна ылайык, расмий сапар менен Пекинге кетти. Бул тууралуу Өзбекстан президентинин маалымат кызматы кабарлаган.
Кабарда келишинче, Мирзиёев Кытайда экинчи жолу өтүп жаткан “Бир алкак – бир жол” форумуна катышат. Ал Кытайдын жетекчиси Си Цзиньпин жана Кытай өкүлдөр кеңешинин туруктуу комитетинин төрагасы Ли Чжань менен жолугушууларды өткөрөт. О.э. форумга катыша турган чет элдик делегациялар жана эл аралык уюмдардын жетекчилери менен да сүйлөшүүлөрдү өткөрөт.
