НАТО “кансыз согуш” бүткөндөн бери эң ири аскерий машыгууларды өткөрөт
Европага карата коркунучтарды жоюуга каратылган машыгууларга он миңдеген аскер катышат.
Машыгуунун негизги баскычы Норвегияда 29-октябрь күнү НАТОго мүчө 29 мамлекеттин о.э. алардын Финландия жана Швеция сыяктуу өнөктөштөрүнүн катышуусунда башталат.
Машыгуулар эки аптага созулат.
“Бүгүн маанилүү күн, себеби бул – НАТОнун “кансыз согуш” аяктагандан бери эң ири аскерий машыгуусу”, – деди НАТОнун башкы катчысы Йенс Столтенберг.
Аталган машыгуу НАТО менен Россия ортосундагы мамилелер курчуп бара жаткан учурга туура келүүдө.
