Россия АКШнын аракеттеринен тынчсызданууда
РФ тышкы иштер министрлигинин расмий өкүлү Мария Захарова брифинг учурунда: “Россия мурдагы советтик өлкөлөрдө АКШ медициналык-биологиялык активдүүлүгүн күчөтүп жаткандыгынан тынчсызданууда”, – деди.
Ал: “Биз чындыгында эле мурдагы советтер союзунун аймагында АКШ аскерий мекемесинин медициналык-биологиялык активдүүлүгү күчөп жатканынан тынчсыздануудабыз жана америкалыктар бизди ишендиришине карабастан, бул аракет мурдагы советтик республикаларда профилактика, жугуштуу ооруларга каршы күрөшүү сыяктуу гуманитардык максаттарда эмес, тескерисинче Пентагон кызыкчылыктары үчүн ишке ашырылууда деп эсептейбиз”,- деди.
Буга чейин жарандык коомду өнүктүрүү жана адам укуктары боюнча кеңештин жыйынында президент Владимир Путин, Россиядагы түрдүү этнос өкүлдөрүнүн биологиялык материалдары (чач, түк, тери, тырмак, кан жана ушул сыяктуулар) кандай максатта алынып жаткандыгы Россия үчүн түшүнүксүз болуп жаткандыгын айткан эле. Президенттин маалымат катчысы Дмитрий Песков, айрым эмиссарлар жана мамлекеттик эмес уюмдар түрдүү этнос өкүлдөрүнүн биологиялык материалдарын чогултуп жаткандыгы жөнүн РФ атайын кызматтарынын маалыматы бар экендигин айткан.
Кийинчерээк, АКШнын аскерий аба күчтөрүнүн окуу командачылыгынын өкүлү Бо Дауни Пентагон адамдардын биоматериалдарын таяныч-кыймыл апаратын үйрөнүү үчүн чогултуп жаткандыгын жана бул максат үчүн россиялыктар атайын тандалып алынбагандыгын билдирген.
