Орусия менен Өзбекстан терроризмге каршы күрөшүүнү талкуулашты
Орусия Федерациясынын Коопсуздук кеңешинин жетекчиси Николай Патрушев Москвада Өзбекстан тышкы иштер министри Абдулазиз Камилов жана президенттин астындагы Коопсуздук кеңешинин жетекчиси Виктор Махмудов менен жолугушту. Бул тууралуу Орусия Федерациясынын коопсуздук кеңешинин маалымат кызматы кабар таркатты.
“Николай Патрушев Абдулазиз Камилов жанва Виктор Махмудов менен Орусия-Өзбекстан кызматташтыгынын учурдагы маселелери, айрыкча, коопсуздук тармагындагы маселелерди талкуулашты. Борбор Азия менен бирге Ооганстанга байланыштуу кырдаал тууралуу пикир алмашышты”, – деп айтылат кабарда.
Сүйлөшүү учурунда тараптар укук коргоо органдары жана атайын кызматтардын келечектеги кызматташтыгы о.э эки мамлекеттин Коопсуздук кеңештеринин аппараттары терроризмге каршы күрөшүүдөгү алакалары талкууланды.
“Тараптар өз ара кызматташуу механизмдерин сактап калуу жана аларды жакшыртуу максатка ылайык экенин белгилешти”.
