АКШ Афганистан боюнча жаңы планын жарыя кылды
АКШ 2018-жылы Афганистанда “Талибан” кыймылына каршы афган аскерлерин окутууга о.э. мамлекеттеги аскерий аракеттер багытын коалиция тарапка өзгөртүүгө олуттуу көңүл бурууну пландаштырууда. Бул тууралуу “Ассошиэйтед Пресс” агенттиги АКШ борбордук командачысы, генерал Жозеф Вотелге таянып кабарлады.
Агенттиктин билдиришинче, АКШ чабуул түрүндөгү операцияларга көңүл бурмакчы.
“Биз аракеттерди дагы да күчөтүүгө аракет кылабыз, бул нерсе согуштук аракеттердин кийинки доору үчүн убакыт келгенде демилгени тез арада колго алуу үчүн керек”, – деген Вотел.
Генералдын айтымында, Афганистан куралдуу күчтөрүнө “басымды тынымсыз күчөтүп баруу керек”.
“Буга АКШдан жаңы аскерий инструкторлордун келиши да жардам бериши мүмкүн, алар афган куралдуу күчтөрүнүн бөлүктөрү менен биргеликте аракет кылат жана фронт сызыгына жакын жерде болот”, – деп баса белгиледи Жозеф Вотел.
Вотелдин билдиришинче, коалиция Афганистан аба күчтөрүн күчөткөндөн кийин жана коопсуздук күчтөрүн окутуп болгондон кийин афганистандыктар жакшыраак согуша баштайт.
“Ошондо алар кийинки согушка киришкенде бир топ күчтүү чабуул кылууга жөндөмдүү болуп калышы мүмкүн”, – деди генерал.
