Тажикстан терроризмге (Исламга) каршы күрөштө Россиянын жардамынан үмүткөр
Тажикстан бийлиги орус армиясын “эң чоң колдоочу” деп билет. Андан тышкары, терроризмге (Исламга) каршы күрөш жаатындагы чечими олуттуу экендигин баса белгилеген тажик жооптууларынын билдиришинче, Сирияда мужахиддер сабында согушуп, андан соң өз мекенине кайтууга аракет кылган адамдарды аныктоо жана кармап берүүдө да Россиянын ролу чоң.
“Россия менен биздин ортобузда терроризмге (Исламга) каршы кызматташтык боюнча келишим бар. Бул жаатта ал биздин эң чоң жардамчыбыз. Согушуу үчүн чет өлкөлөргө барып, террорчу топторго кошулууну каалаган Тажикстан жарандары Россия жана Түркия аркылуу Сирияга өтүп кетүүдө о.э. ушундай жол менен кайра кайтып келүүдө. Бул жараянда Россия террорчулар сабына кошулгандыгы аныкталган тажик жарандарын тездик менен Тажикстанга экстрадиция кылууда”, – деди тажик жооптуусу.
Россиянын Тажикстандагы аскерий базасы эки өлкө ортосундагы келишимдин маанилүү көрсөткүчү экендигин айткан булактын билдиришинче, Тажикстан Россия менен алаканы бекемдеп барышы керек.
“Биз Россия менен биргелешкен аракеттерибизди дагы да күчөтүшүбүз керек. Тажикстандын терроризмге каршы күрөшү үчүн Россия кеңири масштабдуу аскерий билим берет деген үмүтүбүз бар”, – деди булак.
Бирок, бир кездерде афган мужахиддеринен жеңилип, Афганистандан шерменде болуп чыгып кеткен Россия армиясынын Тажикстан аскерлерине кандай жардам бере алышы табышмак бойдон калууда.
