Кытай да расмий түрдө Асадга жардам бере баштады
Кытай аскеринин жооптуулары Сирия армиясын курал-жарак жана аскерий билим берүү жагынан колдоп-кубаттай тургандыгын расмий түрдө жарыя кылышты.
Кытай мамлекеттик телевидениеси аскерий жетекчилерге таянып кабар беришинче, Кытай өкмөтү Асад армиясын аскерий машыгуудан өткөрүү о.э. ага курал-жарактан жардам берүү тууралуу токтом кабыл алган.
Чет өлкөлүк маалымат агенттиктеринин маалыматы боюнча, Кытай аскерий күчтөрү Сирия армиясына жардам беришин расмий түрдө биринчи жолу жарыя кылууда. Кабарда келишинче, Сирия короо министри менен Кытайдын аскерий өкүлдөрү жекшемби күнү Дамашкта өткөргөн жолугушууда маанилүү токтомдорду кабыл алышкан. Бул чечимдердин арасында Кытай армиясынын Сирияга жардам катары Асад армиясын аскерий машыгуудан өткөрүшү да бар.
“Doğan” маалымат агенттиги кабарлагандай, Кытай адмиралы Гуан Йоуфей Сирия коргоо министри Фахад Яссим менен жолугушуп, өз ара кызматташтык жана мамилелерди өнүктүрүү тууралуу сүйлөшүп алышкан.
Гуан Йоуфей Сирия коргоо министри менен жолугушкандан кийин берген билдирүүсүндө: “Кытай армиясы менен Сирия армиясынын ортосунда достук алкалар бар. Кытай армиясы учурда Сирия армиясына жардам берүүнү жана аны менен кызматташууну көздөп жатат”, — деди.
Кытай көптөн бери Россия менен биргеликте Асад режимин саясий жактан колдоп келет. БУУнун Коопсуздук Кеңеши Асад режимине каршы чыгарган токтомдорго Кытай өкмөтү төрт жолу вето койгон.
