Ош Айдаркен каттамындагы, Кадамжай шаары менен Орозбеков айыл аймактарын бириктирип турган жолдо жамгыр каттуу жааганы себептүү жолго жакын тоодон көчкү түшүп, анын кесепетинен 10 авто унаа көчкү астында калып, 5 адам каза тапкан. Мындан тышкары да бир катар турак жайлар жана жолдор жабыркаган. Өзгөчө кырдаалдар министрлиги да бул маалыматты тастыктады.
Биз, Туркистон сайтынын кызматкерлери да Аллахтын казасына ыйман келтирген абалда, Ырайымдуу Аллахтан ушул мекендештерибиздин акыретин абат кылышын, аларды Өз бейиштери менен ырыскыландырышын сурап калабыз.Алардын үй-бүлө мүчөлөрүнө жана жакындарына көӊүл айтуу менен аза кайгысын теӊ бөлүшөбүз. Аллахтан аларга көркөм сабыр, толук ыйман сурайбыз жана жараат алгандардын тез арада айыгып кетишин тилеп калабыз.
الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ
“Аларга мусибат-кайгы жеткенде: “Албетте, биз Аллахтыкыбыз жана албетте, биз Ал затка кайтуучуларбыз”, – деп айтышат”. (2:156)
Туркистон
