Экономикалык өнүгүү жана соода министрлигинин маалымат кызматынын кабар беришинче,Тажикстан өкмөтү сентябрь айында Афганистанга 175,5 миллион кВт/саат электр энергиясын жеткирип берди. Бул көрсөткүч өткөн жылдын ушул мезгилине салыштырганда 36,3 миллион кВт/саатка көп болуп, мамлекетте иштеп чыгарылган жалпы электр энергиянын 12,9 пайызын түзөт.
Кабарга ылайык, сентябрь айында “Барки тажик” холдинг компаниясына караштуу ГЭСтерде 1,3 миллиард кВт/сааттан ашуун электр энергиясы иштеп чыгарылган жана күнүмдүк иштеп чыгарылган электр тогу 45,2 миллион кВт/саатка барабар болгон.
Туркистон:
Тажикстандын энергетика тармагы негизинен ГЭСтерге таянгандыгы себептүү кыш айларында электр энегриясында жетишпестиктер жүз берет. Ошол себептен улам, жыл сайын октябр айынан апрель айына чейин калкка электр энергиясын жеткирип берүүгө чектөөлөр киргизилет. Бирок, өз элине электр энергиясын жеткирип берүүнү кыскартуу же таптакыр бербестик аркылуу болсо да расмий өкмөт башка мамлекеттер менен түзүлгөн келишимдер негизинде электр энергиясын жеткирип берүүнү токтотпойт.
Расмий эсептөөлөргө ылайык, Тажикстан кошуна Афганистанга 2013-жылдын ноябрь айында гана 45 миллион кВт/саат электр энергиясын саткан. Бул болсо, 2012-жылдын дал ушул мезгилине салыштырганда 3,3 млн.кВт/саатка көптүк кылат. Жалпы эсепте Тажикстан 2013-жылдын ичинде Афганистанга 1 миллиард кВт/сааттан көбүрөөк электр энергиясын саткан. 2014-жылы да тажик өкмөтү Афганистанга жеткирип берип жаткан электр энергиясын ай сайын көбөйтүп барууда.
