Эгемендүүлүк майрамында Ала-Тоо аянтында болуп өткөн иш-чарада сүйлөгөн Кыргызстандын президенти Алмазбек Атамбаев, “Кыргызстан элине чөгөлөп жашагандан көрө, өлүү жеӊил” деди.
О.э. ал иш чарага катышып жаткан кошуна мамлекеттердин элчилерине да кайрылды.
Президент Атамбаев: “Бул жерде бүгүн коңшу өлкөлөрдүн элчилери да бар. Алар аркылуу аталган өлкөлөрдүн жетекчилерине кайрылгым келет. Урматтуу коңшулар, келгиле ынтымактуу жашайлы. Келгиле бири-бирибизге зыян келтиргендин ордуна жардам берели. Кыргызстанда кайрадан ыңкылап болот дегендерге ишенбегиле. Ал үчүн тышкарыдан бир аз түрткү, ичкеридеги оппозицияны каржылоо жана колдоп-кубаттоо керек болот. Мындай нерсе болсо эми эч качан болбойт”,- деди.
Туркистон:
Мурда айтып өткөнүбүздөй, Атамбаев Россия сызып берген карта менен аны ыраазы кылуу үчүн аракеттенүүдө. Россия ага “АКШ Афганистан проблемасы менен убара болууда жана аскерий техникаларын алып чыгып кетүү о.э. Афганистанда белгилүү бир убакытка чейин стабилдүүлүктү сактап туруу максатында Кыргызстанда фитна чыгарууга кызыкдар эмес” деп уктуруп келет. Ушундан келип чыгып, Атамбаев оппозиция лидерлерин коркпостон камай баштады. Өзүн эркин кармап ар кандай нааразылык акцияларына көӊүл бурбай калды. Бирок, чөгөлөмөк тургай, Кыргызстан алиге чейин саждадан тура элек. Демократия аты менен Капитализм системасы алып келген жасалма эгемендүүлүк болсо, СССР доорундагы жалгыз Москвага болгон саждадан, дагы бир нече тогут мамлекеттерге да, маал-маалы менен менен баш ийип турууга шарт түзүп берди.
