Ыйык Рамазан айында Бангладештеги исламий адабияттар менен соода кылуучу ишкерлер өкмөт тарабынан коюлган чектөөлөргө карабастан Куран, хадистер топтому жана башка диний мазмундагы китептер соодасын активдүү жүргүзүп келишет.
OnIslam.net басылмасы менен болуп өткөн маекте Бангладештеги коммерциялык фирмалардын биринин директору Захид ул-Ислам Торик: “Мен жыл бою Куран, хадис жана диний китептерди сатып аламын, а бирок, учурдагы өкмөт исламий адабияттарды таркатууга чектөө коюуда”, – деди.
Ториктин айтымында, Бангладеш өкмөтү 2007-жылдан бери исламий адабияттарды сатуу же сатып алууга чектөө коюп келе жатат. Укук коргоо органдары китеп дүкөндөрүнө тынымсыз рейддерди өткөрүп, Куран жана хадистерди сатуучу соодагерлерди “фундаметализм”де айыптап келишет.
Бул кыйынчылыктардан улам көптөгөн бангладештик мусулмандар Куранды жана пайгамбарыбыз Мухаммад соллаллоху алайхи ва салламдын хадистерин окуй албай жатышат.
“Эгерде бирер адам исламий адабияттарды сатып ала турган болсо, өкмөт аны экстремизм жана терроризмде айыптап куугунтуктап жатат”, – деди ишкер.
“Өкмөт тарабынан коюлган чектөө себептүү акыркы жылдарда Куран тафсирин, хадисти жана башка исламий адабияттарды басып чыгаруу жана сатуу 70 пайызга төмөндөп кетти”, – деп айтты Бангладештеги Ислам университетинин доценти Абдус-Собир Матуббир.
