Кытай башчысы Си Зинпин өткөн он күндүктө Орто Азия (ОА) республикаларына визит жасады (Тажикистандан башкаларына). ОА мамлекетчелеринин жетекчилери аны кучак жайып тосуп алышты.
Түркмөнстан былтыр жеткирип берилген 21,4 млрд кубометр газды (бул Кытай газ импортунун жарымы) 2020-жылы 65 млрд кубометрге жеткире турган болду.
“Орто Азия – Кытай” газкуурлары Кыргызстан аркылуу да өткөндүктөн, жылына 40 млн доллар акысына, Кыргызстан бул куурлар жаткырылышы үчүн өлкө жерлерин Кытайга төшөп берди. Мындан сырткары, Кытай энергетикалык жана инфраструктуралык долбоорлор үчүн 3 млрд долларлык кредит(!) бермей болду (бекер же процентсиз деп ойлоп албагыла), анын 1,4 млрды болсо жогоруда айтылган Кытай газкуурунун курулушуна жумшалат.
Казакстан менен түзүлгөн контракттардын суммасы 30 млрд долларды түздү. Анын ичинде мунай казып алуу жана ташып кетүү боюнча үлкөн келишим бар.
Өзбекистан менен 15 млрд долларлык келишимдер түзүлдү. Бул келишимдер негизинен Кытайга нефть, газ, уран жеткирип берүү боюнча болду.
Тажикистан да газкууру жаткырылышына жерлерин ачып бергендиктен, Кытай ага $3 млрд инвестиция жаткыра турган болду.
КЭР төрагасы бул зыяратында өз мамлекети кызыкчылыктарына зор кызмат кылды. Ал эми ОАнын малай акимдери Ислам жана мусулмандарга каршы зор кыянатчылыктарды кылды.
Илгертен калкыбызда “Кытай жибеги менен муздайт” деген кеп бар. “Манас” эпосунда бабаларыбыз бүткүл өмүрлөрүн кытайларга каршы күрөшкө арнагандыгы баяндалат. Бу кыжылдаган кытай баскынчыларын мусулман мужахиддер ийнине житире кууганы тарых барактарында ташка тамга баскандай таасын калтырылган.
Жакынкы кылымдардан бери Россия Орто Азия үчүн “традиционный” колонизатор кожоюнга айланган эле. Эми кайрадан Кытай башбага баштады. Орус этегине тооп кылып келген ОА акимдери, эми Кытай жугундусун жуктаганга да ыраазы болуп, түрдүү кыянатчыл келишимдерди түзүп олтурат.
Мунун каршысында, Ислам идеологиясына улутчулдукту каршы коюп, аны идеология катары көтөрүп чыгып жатышкан бир туугандарыбыздын үнү чыкпайт да. “Кытай кебези менен мууздап, кыргызды кырып келген, муну түпкү бабаларыбыз айтып кеткен, ал тургай Манас атабыздын түбүнө ушулар жеткен” деп айтып чыгышпайбы да, Кытай менен мамилени үзүшпөйбү.
Баягы “Теңирчилер” кайда жүрөт. “Кытай менен кызматташканга бабалар арбактары нааразы болуп жатат” деп жалган-жашыкты айтып, талкууга чыкканга жарашпады го.
Бул жасалма “идеологиялар” 3 млрд долл кредитке деле сатыла берет окшойт сыягы.
Негизи, биздин элге мындай “идеологиялар”ды ошол кафирлер киргизген. Кафирлер алардан Исламга каршы күрөштө жана өз ара кызыкчылык талаштарында гана пайдаланат. Ал эми караңгы калк алардын курмандыктарына айланат.
Биз, Ислам даъватын көтөрүп чыгып жаткандар, Ислам идеологиясынан келип чыгып, Кытай менен түзүлгөн мындай келишимдерди каралайбыз:
Биринчиден, бул келишимдер ОАны Кытайдын сырьёлук базасына айландырып, Кытай алар аркылуу Үммөттүн жалпы элдик мүлктөрүн ташып чыгып кетет. Ушуну менен бирге, ОАны басып алууга ыңгайлуу учурду аңдып турган Кытай саясатын алдыга жылдырат.
Экинчиден, биздин малай акимдер Кытай менен биргеликте экстремизм жана терроризмге каршы күрөшөбүз деп, кайра-кайра баш ийкеп, бардыгы Кытай буйругун макулдашты. Бул дегени, Кытай бийлигинин куугунтугуна кабылган мусулман уйгур боордошторубузга кыянат кылуу дегени, аларды мушриктерге сатуу дегени.
Биз, Ислам даъватын көтөрүп чыгып жаткандар, кафир колонизаторлордун кордугу астында онтоп жаткан бүткүл дүйнө мусулмандарын – колонизаторлорду түп-тамыры менен омкоруп таштай турган Халифалыкты тикелөөгө чакырабыз!!!
