Хизбут-Тахрир тарабынан Украинанын Крым вилаятында уюштурулган “Советтер Союзу кулагандан кийин Хизбут-Тахрир жана даъват, каршылыктар жана акыйкаттар” деген аталыштагы конференция Украина разведкасы жана коопсуздук күчтөрү тарабынан катуу каршылыкка учурагандыгы себептүү токтотулду.
Конференция өткөрүү үчүн керектүү болгон бардык уруксатнамалар алынгандыгына жана конференция залына атайын плакаттар илингендигине карабастан, конференция убагы келгенде коопсуздук күчтөрү залга кирүүдөн тосуп, конференция өткөрүлүшүнө каршылык көрсөтүштү.
Хизбут-Тахрир конференция үчүн зарыл болгон коопсуздук чараларын көрүп койгон эле. Мындан тышкары, Хизбут-Тахрир уюму Украинада тыюу салынган жамааттардан эмес.
Конференцияга катышуу максатында түрдүү өлкөлөрдөн катышуучулар т.а. Ливандан борбордук маалымат бөлүмүнүн жетекчиси Усман Баххош, Түркиядан Махмуд Кар, Англиядан Тажи Мустафа, Голландиядан Окай Пала, Россиядан Виталий Реаднинский, Украинанын өзүнөн Фазил Хамзаев жана башкалар келген эле.
О.э. “Мемориал” укук коргоо уюмунун Борбор Азия долбоорунун жетекчиси Виталий Понамарёв, Түркиянын İMKANDER укук коргоо жана кайрымдуулук уюмунун жетекчиси Мурат Узер, Кыргызстандык укук коргоочу Равшан Гапиров, Крым укук коргоо уюмунун жетекчиси Анвар Кадыров, Белгиядан Орто Азия боюнча эксперт Бруно Декордиа, Украина эл аралык саясий изилдөөлөр борборунун жетекчиси доктор Николай Керушка, Украиналык саясий серепчи доктор Сергей Киселёв конференцияга катышуу үчүн келген болчу.
Украина разведкасы жана коопсуздук күчтөрүнүн мындай мыйзамсыз иш аракети атайын даярдык көрүлгөн конференциянын токтотулушуна себеп болду.
Хизбут-Тахрир – Украина коопсуздук күчтөрүнүн мыйзамсыз иш-аракетин каралап, конференция залы алдында көпчүлүктүн катышуусунда нааразылыгын билдирди.
