Намыстары тебеленген, перзенттери жырткычтык менен өлтүрүлгөн жана ар бир мүнөт сайын өлүм коркунучу менен күн өткөрүп жаткан сириялык муслималар арыз-муӊдарын дүйнөнүн сокур жана дүлөй болуп калган массалык маалымат каражаттарына угузууга аракет кылышууда.
Күн сайын адамдар жырткычтык менен өлтүрүлүп жаткан бул өлкөдө жашап жаткан мусулмандар башына түшкөн коркунучтар каршысында кулактарын тосуп алган укук коргоочу уюмдарга “Бизди адам катары көрбөсөӊөр да, эӊ эле жок дегенде айбан катары көргүлө” деп кайрылууда.
Асадга караштуу күчтөр тарабынан курчап алынган Шам-Байт Шахим кыштагында жашап жаткан бир аял “you tube” порталына жайгаштырылган видео аркылуу бүт дүйнөгө кайрылуу жасады.
“Бул жерде оорулуу балдар, карылар жана аялдар катуу азап тартып жатышат. Мындан кутулуунун чарасы болбогондуктан алар көз алдыбызда жан берип жатышат.
Алты айдан бери жей турган нерсе таба албай убара тартып жатабыз. Бул жерде, ал тургай, жаш балдар үчүн да жей турган нерсе жок. Бизге болгону адамдык жол гана ачкыла. Биз бул жерден дүйнө мамлекеттеринин жетекчилерине кайрылабыз.Эгерде бизди адам катары көрбөсөӊөр, эӊ эле жок дегенде айбан катары көргүлө жана бизге айбанчалык көӊүл бургула”, – деп айтылат видеокайрылууда.
Укук коргоочу уюмдардан үмүтүн үзгөн сириялык муслималар дүйнөдөгү жаныбарлардын укугун коргоочу уюмдарга жүздөнүп төмөнкүдөй кайрылуу жасады:
“Бир нече айбандардын укугун коргоочу уюмдар бар эмеспи, биз ошол уюмдарга кайрылуу менен алар бизге жардам берип калаар деп үмүттөнөбүз.
Саясатчылар “биз залимдерди каралап жатабыз” деп айтышууда. Бул бекерчи сөздөрдүн бизге кандай пайдасы бар?! Бул сөздөр бизге кандай жардам бериши мүмкүн?!
Биз түшүнүп жеткендей, адамдардын укугун коргоочу уюмдар бизди көрбөй жатышат. Андыктан, эӊ эле жок дегенде бизге жаныбарлардын укугун коргоочу уюмдар жардам берип калабы деген үмүттөбүз.
Сабыр кылып жатабыз, а бирок, качанкыга чейин?! Силерден тамак-аш же суусундук сурабайбыз, болгону карылар, аялдар жана жаш балдар өтө турган бир жол ачып бергиле, андан башка нерсе каалабайбыз. Биз акыркы демибизге чейин сабыр кылабыз. Бул жерде эӊ көп кыйынчылык тартып жаткандар жаш балдар болуп, алар оорудан өлүп жатышат, биз болсо эч нерсе кыла албай жатабыз”, – деп айтылат видеокайрылуудаю
