ЭМИ ИРАНДАН ЭМНЕ КҮТҮЛӨТ

Иранда өткөн президенттик шайлоо да дүйнө дүңгүрөткөн жаңылыктардан болуп калды. Ал эми башкы суроо болсо, Ирандан эми эмнени күтүүгө болот?

Тарыхтан белгилүү болгондой, 2-дүйнөлүк согуштан кийин Иранга шах Мухаммад Риза аркылуу Америка таасири кирип келген эле. Шахтын болсо Исламга каршы иштери ачык-даана көрүнүп турган. Британия кайрадан бул өлкөгө өз таасирин орнотуп алууда ушундан пайдаланды. Калктын  исламий туйгусун шахка каршы ишке салды. Натыйжада, Британия малайы Хумайний шахты оодарууга жетишти жана шах режиминин ордуна Ислам атын жамынган Иран Республикасы орнотулду. Мамлекетте аятулла Хумайний рахбар (биринчи мансаптагы адам) болуп калды.

Анын өлүмүнөн кийин аятулла Али Хоменеи рахбар болду. Америка анын доорундагы президенттердин ичинен Ахмадинажадды көбүрөөк кызмат кылдыра алды.

Ал эми азыркы шайланган Хасан Руханий болсо, Европапарастыгы менен таанылган. Ал аятулла Хумайнийдин издештеринен. Ошондуктан, анын президенттик доорунда Ирандын дээрлик Европа кызыкчылыктарын жүзөгө чыгаруусу күтүлөт. Анткени, ал буга рахбар аятулла Али Хоменеи менен биргеликте аракет кылат. Ошондуктан, Иран тарабынан жүзөгө ашырылып жаткан Америка кызыкчылыктары – эгер алар Европа кызыкчылыктарына кайчы келгидей болсо – мындан ары токтошу мүмкүн. Мисалы, Иран жана Хизбулланын Асадга катуу жардам берүүсү сыяктуу. Ал эми мусулмандарды сунний-шиа кылып бөлүүдөгү ролун Иран мындан ары да аткара берсе керек, анткени, мындай бөлүнүүнү бардык кафирлер каалашат, алардын ичинде Европа дагы.

Азат Ислам