Гутерреш Саудиянын терроризмге (Исламга) каршы аракеттерин жогору баалады
БУУнун башкы катчысы Антонио Гутеррес Саудиянын терроризмге (Исламга) каршы күрөштөгү иш-аракеттерин мактап, анын эл аралык уюмдар стратегиясын колдоп-кубаттады. Гутеррес БУУнун Коопсуздук кеңешинде сүйлөгөн сөзүндө Саудия бийлигине карата мактоолорду жаадырды.
“Саудиянын борбору Эр-Рияддагы терроризмге каршы күрөшүү муътадилдик борбору дүйнөдө жетекчи рол ойнойт. Анын максаты терроризмге жана террорчуларга каршы күрөшүү үчүн стратегиялык иш-аракетти ылайыкташтыруу жана эң негизгиси мүчө мамлекеттердин ыйгарым-укуктарын күчөтүү болду”, – деди Гутеррес.
“Коопсуздук проблемалары тынымсыз өзгөрүп барууда. Террорчу уюмдарга каршы алардын жаштарды өзүнө тартуу аракеттерине тоскоолдук кылуу жана каржылык жолдорун кесүү аркылуу күрөшүү зарыл”, – деп кошумчалады БУУнун башкы катчысы.
Гутеррес социалдык мүмкүнчүлүктөр жетишпестиги жана демократиялык жараяндын жоктугу о.э. эркиндиктердин чектелиши “террорчу”лар үчүн жаштарды өздөрүнө тартууга шарт түзө тургандыгын айтты. Анын айтымында, Саудияда түзүлгөн борбор “экстремизм” жана “терроризм”ге (Исламга) каршы күрөшүү үчүн коргонуу багытын сунуштаган.
“Биздин максатыбыз бардык кылмышкерлерди адилеттүүлүк каршысына алып чыгуу жана аларды жоопкерчиликке тартуу о.э. дагы көптөгөн адамдар алардын таасирине түшүп калуусунун алдын алуу”, – деди Гутеррес.
О.э. ал сентябрь айындагы жыйынды да эске салып өттү. Анда бүт дүйнөдөгү өлкөлөрдүн жетекчилери терроризмге (Исламга) каршы күрөшүү үчүн болгон күчтөрдү бириктирүү зарыл экендигин баса белгилешкен.
