Стивен О’Брайен: БУУ Сирия шерменделигинен кутула албайт
Бириккен Улуттар Уюму Сирия шерменделигинен качып кутула албайт. Бул тууралуу БУУнун башкы катчысынын гуманитардык иштер боюнча жардамчысы жана өзгөчө кырдаалдар координатору Стивен О’Брайен билдирди. Стивен бул сөзүн БУУнун Коопсуздук Кеңеши Сириядагы гуманитардык абал боюнча уюштурган жыйындагы акыркы билдирүүсүндө айтты.
“Сирия келечеги т.а. бир калк жана бир мамлекеттин жок кылынышына күбө болдук. Адамдардын ачтыктан өлгөндүгүн жана жаш балдардын жээктердеги жансыз денелерин көрдүк. Кайра-кайра жолугушууларды өткөрүп, бул кырсыкты талкууладык. А бирок, бул кылмыштарды ишке ашыргандарды жоопкерчиликке тарта албадык. БУУдагы кызматымдан кетип жатып, бардык гуманитардык жардам аракеттерине карабастан, эч бирибиз 500 миңден ашуун адамдын өлүмүнө жана миллиондогон адамдардын майып-мунжу болуп калышына тоскоолдук кыла албаган шерменделүү үлүшүбүздөн качып кутула албастыгыбызды айта кетмекчимин”, – деди О’Брайен акыркы жолу сүйлөгөн сөзүндө.
Дүйнөдөгү мамлекеттер жана калктар тынчтык жана коопсуздук жаатында БУУнун Коопсуздук Кеңешинен үмүттөнгөндүгүн эскертип өткөн Стивен О’Брайен: “Яман жана Сириядагы аялдар, жаш-балдар, карылар жана оорулуу адамдардын коопсуздук укугу столдун тегерегинде отургандардын укугунан кем эмес”, – деп кошумчалады.
О.э. Раккадагы кырдаал тууралуу сөз кылып, бул шаарда күн сайын орточо эсеп менен 27 адам өлүп жаткандыгын да айтып өттү.
