Россия АКШдан аскерлерин Афганистандан алып чыгып кетүүнү талап кылууда
Америка бийлиги Афганистандан аскерий контингентин алып чыгып кетиши жана ошону менен ийгиликсиз кампаниясына чекит коюшу керек. Бул тууралуу Россия президентинин Афганистан боюнча атайын өкүлү Замир Кабулов “Известия” басылмасына берген интервьюсунда билдирди.
“АКШ армиясы колунан эч нерсе келбегени себептүү, Афганистандан чыгып кетиши керек. Американын Афганистандагы кампаниясы жеңилүүгө дуушар болду”, – деген Кабулов.
О.э. Россия Американын Вашингтондогы туруктуу армиясынын ордун жеке менчик компаниялардын жалданма аскерлери ээлешине каршы экендигин кошумчалады.
Ал: “Бул абал эч кандай жакшылыкка алып барбайт, жалданган адамдар качып кетишет”, – деп айтты.
Буга чейин ЖМКларда Америка бийлиги Афганистанда кызмат өтөп жаткан аскерлерди жалданма аскерлерге алмаштырууну пландаштырып жатканы тууралуу кабарлар чыккан эле.
Эң ири менчик аскерий компания болуп эсептелген Academi компаниясынын жетекчиси Эрик Принс Афганистанга 5,5 миң жалданма аскер жана 90го чукул аскерий самолётту жайгаштырууну сунуштаган.
ЖМКлардын божомол кылышынча, аталган планды ишке ашырууга он миллиард доллар кетиши мүмкүн.
“Булардын бардыгы колонизатордун саясатына окшоп жатат”, – деген Кабулов.
Туркистон:
АКШ баш болгон дүйнөлүк коалиция жана НАТОнун аскерий күчтөрү Афганистанда 13 жыл аскерий баскынчылык кылып турду. Афганистандан чыгып кетишкенине да 4 жыл болуп калды. Россия бүгүнкү күнгө келип аларды аскерий колонизаторлор деп аташынын себеби эмнеде?
АКШ Россияга карата колдоно баштаган акыркы санкциялар Россиянын АКШдан болгон акыркы үмүттөрүн да үзүп жиберди окшойт. Ушунча жылдардан бери Путиндин режими АКШ үчүн пайдалуу же жок эле дегенде зыянсыз жетекчи топ катары көрүнмөкчү болуп, үмүт менен жашады. АКШ кээде ири диктаторлорду да жашыруун түрдө өнөктөш катары кызматка кабыл алат. Мисалы Ирандын диктатор түзүмүн, Түндүк Корея, Саддам режимин, Мубарактан калган Сиси режимин, Өзбекстандагы Каримов режимин… кабыл алып, алардын алардын ар бирин ошол авторитардык режим абалында пайдаланып келген.
Бирок, Россия өтө чоң жана табигый ресурстарга бай мамлекет. АКШ бул мамлекетти бир муш сыяктуу бүтүн абалда калтыра албайт. Ал Россияны бири-бири менен өнөктөш, бирок, бири-бирине көзкарандысыз болгон өз алдынча аймактарга бөлүп жиберүүнү көздөп жатат. АКШ Путиндин режимин авторитардык түзүм абалында калтырууну дүйнө жүзү жана өзү үчүн кооптуу деп билет. Аны учурдагы өтө алсыз абалында калтырууну да каалабайт. Себеби, эл аралык саясат орус калкы биринчи жана экинчи дүйнөлүк согуштардан кийин аз гана убакытта кандай бутка туруп алганына жана дүйнөлүк жетекчи мамлекеттердин катарына кошулуп алганына күбө болгон. Демек, Россия ар тараптан Түндүк Корея сыяктуу коопсуз мамлекет эмес. Ошондуктан, АКШ Россияны ал тургай жашыруун келишим негизинде колония кылууну да каалабай турат.
Россия да АКШнын бул стратегиядан баш тартпастыгын түшүнүп жетти. Ошондуктан, эми ал Америкага каршы болгон кубатын ишке сала баштады. Бирок, эми Россиянын билдирүүлөрү да, аракеттери да мурункудай күч-кубатка ээ эмес. АКШ да эми Россиянын позициялары менен дээрлик эсептешпейт.
