Качкындар проблемасы Европада кризисти күчөтүүдө
Капитализм мабдасынын натыйжасы катары пайда болгон качкындар проблемасы Европада кризис пайда кылууну улантууда. Европа Союзу качкындарды ушул биримдикке мүчө мамлекеттерге жайгаштыруу көздөлгөн планды 2015-жылы ратификация кылган эле. Бирок, акыркы маалыматтарга ылайык, биримдикке мүчө мамлекеттер 160 000 качкындын болгону 8%ын гана кабыл алган.
Бүгүнкү күндө Финляндия жана Мальта мамлекеттери гана качкындар боюнча милдеттерин аткарууда. Баш баанек издеп Италия жана Грецияга келген он миңдеген качкындар лагерлерде оор абалда калып кетишүүдө. Европа Союзу качкындарды жайгаштыруу планын аткарууну четке каккан мамлекеттерге штраф сыяктуу жаза-чараларды колдонууга даярдык көрүүдө. Брюссель Европа Союзу мүчөлөрүн “башка шылтоо” кабыл албастыгы тууралуу эскертти.
“Биздин биримдик эки принципке негизделет, алар биримдик жана жоопкерчилик. Бул нерсе болгону моралдык баалуулуктар эмес, тескерисинче биримдик түшүнүктөрү жана мыйзамдуу байланыштыруучу принциптер”, – деди Еврокомиссиянын качкындар маселеси боюнча комиссары Димитрис Аврамопулос.
Арасатта калган Европа Союзу качкындар агымын токтотуу үчүн иш-аракеттерин улантууда. Германия кылмыш кылган качкындарды депортация кылуу жараянын тездетти. Венгрия бийлиги мигранттар агымынын алдын алуу үчүн Сербия менен чегарасына зым тосмолорду тартып койду. Адам укуктарын коргоочу уюмдар Венгрияны качкындарга начар мамиле кылууда жана аларды экспулатация кылууда айыпташууда.
“Миграция проблемасы учурда Европадагы эң маанилүү маселе болуп эсептелет. Ал тургай, евро проблемасынан да маанилүү. Миграция проблемасы Европанын бүтүндүгүнө тосук болушунан тышкары, анын ички коопсуздугуна да коркунуч туудуруп жатат”, – деди саясий серепчи профессор Вернер Патзелт.
Капитализмдин кесепети себептүү экономикалык кризисти башынан өткөрүп жаткан Европа Союзу бир тараптан качкындар проблемасы менен убара болуп, экинчи тараптан Brexit натыйжасында пайда болуучу боштукту толтуруу стратегиясы менен алектенүүдө. Адистердин пикиринче, Европа Союзун оор абалга кептеп жаткан мындай маселелер келечекте анын биримдигине зыян жеткириши мүмкүн.
