Кытай бийлиги мусулмандарды коркутуунун жаңы ыкмасын тапты
Массалык маалымат каражаттары, 15-февралда Шинжаң-Уйгур автономиялуу облусунун Хотан шаарында бычак менен куралданган адамдар ишке ашырган чабуулдун натыйжасында 8 адам өлүп, 10 адам жараат алгандыгы о.э. полиция кызматкерлери чабуул кылгандардан 3 адамды атып өлтүргөнү туурасындагы кабарды таркатышкан.
Жогорудагы окуядан кийин Шинжаң бийлиги жергиликтүү “террорист” жана “жикчилдерди” коркутуу үчүн Хотан шаарында кеңири масштабдуу парад уюштурду.
“Reuters” агенттигинин кабарына таянсак, парадда тиш-тырмагына чейин куралданган миңдеген полиция кызматкерлери жана ыктыярчылар отряддары катышкан. Шинжаңдагы расмий бийликтин билдиришинче, бул парад жикчилдерге “күч-кубатты көрсөтүү жана коркутуп коюу” максатында уюштурулган.
“Ар дайым сергектикте болуу менен о.э. террорчуларга тынымсыз басым өткөрүү аркылуу биз аларды коркутуп койдук. Эми алар кутулуу үчүн ар тарапка бой таштап жатышат”,- деди партиянын жергиликтүү комитетинин жетекчиси Чжу Хайлун.
Туркистон:
Кудайсыз Кытай бийлиги 1949-жылы калкынын көпчүлүгү уйгур мусулмандардан турган Шинжаңды басып алгандан бери, уйгур мусулмандарды ишениминен кайтаруу, Ислам динин турмуштан жана коомдон четтетүү аракеттерин бир мүнөткө да токтотпой келет. Уйгур мусулмандарга диний билим алууга тыюу салынды. Жаштарга Исламий билим берип келе жаткан аалым жана уламаларды куугунтуктап, ар түрдүү айыптоолор менен камакка алды. Эркектердин сакал коюшуна, аялдардын хижаб оронушуна тыюу салды. Имамдарды аянтта массалык түрдө бийлөөгө мажбурлады. Ал тургай, рамазан айында орозо кармоого, мамлекеттик кызматта иштеп жаткан мусулмандарга намаз окууга тыюу салынды. Бул иштердин бардыгы расмий бийлик айтып жаткандай, “террорист” жана “экстермист”терди жок кылууга каратылган эле.
Эгерде өз ишенимине ылайык жашоо, дини буйруган амалдарды аткаруу радикализмдин белгиси болсо, карапайым мусулмандардын бардык акы-укуктарын тебелөө эмне деп аталат! Түпкүлүгүндө, куфр башчылары жана алар сызып берген долбоор менен аракеттенип, мусулмандарды массалык түрдө кыргын кылып жаткан, ар түрдүү шылтоолор менен камакка алып жаткан, тынч жашоосуна, дини талап кылгандай жашоосуна жол бербей жаткан бийликтердин өздөрү чыныгы террорист эмеспи? Террор сөзү – тынч калкты коркууга салуу, зомбулук көрсөтүү деген маанини түшүндүрөт. Кытай бийлигинин тиш-тырмагына чейин куралданган полицияны калкты коркутуп коюу үчүн параддан өткөрүшү чыныгы террор болуп эсептелет.
