Сирияда оппозициялык топтор кайрадан биригишти
Өткөн аптада Астана жолугушуусуна Сирия оппозициясынын атынан алты топ катышып, ынкылап душмандары менен сүйлөшүүлөрдү жүргүзгөн эле. Арадан бир апта өтпөстөн, Сирияда бир нече топтор душманга каршы биригип жатканы тууралуу кабарлар чыга баштады. Кабарда келишинче, жыйырмадан ашуун топ “Тахрир аш-Шам” деген аталыш астында бириккендигин жарыя кылышкан.
Тахрир аш-Шам тарабынан берилген билдирүүдө: “Майдандагы бардык топторду биримдикти пайда кылуу жана ынкылаптын утуштарын коргоо үчүн ушул уюмга кошулууга чакырабыз. Бул долбоор ынкылаптын күчүн бир жерге жамдоочу ядрону түзүү о.э. кылмышкер режимди кулатуу аркылуу көздөлгөн максатка жетүү жана Шам калкы Аллахтын шарияты негизинде жыргал жашоосу үчүн түзүлдү”, – деп айтылат.
Туркистон:
Буга чейин да ушундай топтор арасында бир нече биригүүлөр болгон. А бирок, ийгиликке жетишүү үчүн биригүүнүн өзү эле жетиштүү болбойт, мындан башка шарттар да аткарылышы керек. Алгач оппозициялык топтор төмөнкүнү билип коюшу керек, алар күчтөрүн бир командачы астында бириктиргенден кийин башка мамлекеттер сунуштап жаткан каражаттарды алуудан баш тартышы керек. Себеби, саясий максатта берилген ар кандай каражаттар аларды ошол мамлекетке көз каранды кылып коёт. Натыйжада, ал мамлекеттер оозун майлап койгон топторду каалаган учурда согуштан тыйып коюшу же башка фронтко тартышы, же болбосо сүйлөшүү столуна отургузуп коюшу мүмкүн. Ошондуктан, оппозициялык топтор кайсы мамлекеттин жардамын алган болсо, ошол мамлекеттин долбооруна ылайык аракеттенип жатканын көрүп турабыз. Буга мисалдар көп. Саудиянын басымы менен “Жайшул Ислам” жана “Ахроруш Шам”дагылар Эр-Рияд шаарында тогут режим менен сүйлөшүүлөрдү өткөрүүгө макул болушту. Халабдын кулашында болсо, көптөгөн согушкерлер Түркиянын басымы менен “Ефрат калканы” операциясынын алкагында Түркия күчтөрүнө жардам берүү үчүн Халабдагы согуш майданын таштап чыгып кетишти. Астана жолугушуусунан мурда Түркиянын талабына ылайык “Жайшул Мужахидин”, “Файлакуш Шам”, “Жабхатуш Шамия” отряддары Россия делегациясы менен Анкарада сүйлөшүүлөрдү өткөрүштү. Астанада бир нече оппозициялык топтордун өкүлдөрү баскынчылар менен бир столдо сүйлөшүүлөрдү өткөрүштү ж.б.у.с….
Белгилүү болгондой, Саудия да, Түркия да АКШнын малайлары. Алар оппозициялык топторду түрдүү жардамдар менен тузакка түшүргөндөн кийин АКШнын долбоорун көздөй жетелеп бара жатышат.
Ал эми, бул жаатта Пайгамбарыбыз с.а.в.дын сийратына карай турган болсок, Курайш кафирлери Расулуллох с.а.в.га даъватын токтотуусу, же болбосо, жок эле дегенде аларды тынчсыздандырып жаткан иштерден тыйылуусу үчүн байлык сунуштаганда Расулуллох с.а.в. муну четке каккан. Т.а сөздү айландырып отурбастан кескин жооп берип, сатылган эмес. Байрагынын көрүнүшүн кафирлер белгилеп беришине ыраазы болбогон. Башкаруу түзүмү Курайш кеңеши каалагандай болушунан баш тарткан… Расулуллох с.а.в. дирхам жана динарга кул кылып коё турган байлыкты кабыл алуудан баш тарткан.
