Өкмөт алсыз аялдарды камоодон уялбай жатат
Ташкөмүр шаарында жашоочу Назира Тажибаеванын “Turmush” сайтына маалымдашынча, Ташкөмүр шаар соту 26-сентябрь күнү энеси Наргиза Тажибаеваны Кыргызстан кылмыш-жаза кодексинин 299-беренеси боюнча күнөөкөр деп тапканын жана 8 жыл 8 ай азаттыктан ажыратылышы туурасында өкүм чыгарды.
Назиранын айтышынча, анын энесине каршы 2015-жылдын декабрь айында кылмыш иши козголгон. Ушул убакыт арасында алар төрт жолу актоочуну алмаштырган.
“Сот айпталуучунун жети баласы бар экенин, алардын эң кичүүсү 3-класста окуй турганын эске алган жок. Кечээ сот залында апамды алып калышты. Сотко теолог, эксперттер келишмек, бирок келген жок. 2015-жылдын декабрь айында үйүбүзгө 10-15 адам келип, тинтүү жүргүзгөн, алар келген учурда апам башка жакта жүргөн. Үйдөн колдонууга уруксат берилген диний китептер чыккан. Мындан тышкары, апам ага чеин көрбөгөн дептер табылган. Апам ал дептерди биринчи жолу көрүп жатканын айтканына болбостон кол койдуруп алышкан. Кийин ошол дептерде жазылган ыр саптарда халифат жөнүндө жөнүндө айтылыптыр деп айыпталып, кылмышы ишин козгошту. Ал дептердеги кол жазма да апамдын колу эмес болчу.
Дептерде жазылган эки сап ыр үчүн анын 7 баласы бар экенин, жолдошу жоктугун эске албай 8жыл 8айга эркинен ажыратышты. Өлкө башчысына чеин адилеттик издеп кайрылам”, – деди Н. Тажибаева.
Туркистон:
Расмий өкмөт мусулман эркектерди камакка алып жаткандыгы жетишпей жаткансып, алсыз аялдарды да жалган жалаа, болбогон бир айыптоолор менен эркинен ажыратуудан такыр эле уялбай койду.
Кыргызстанда тыюу салынган адабияттардын так саны жок жана тыюу салынган адабияттар расмий маалымат каражаттары аркылуу жарыя кылынбаган. Ага карабастан күч органдары мусулмандар үйүнө кылган рейддерде колго алынган Куръани Карим, Хадистер топтому жана башка – кээде өкмөт уруксат берип басып чыгарылган китептер болсо да – исламий адабияттарды расмий маалымат каражаттары аркылуу жарыялап, ал адамды да күнөөсү тактала элек жатып жаманаттыга чыгарганга үлгүрүшүүдө.
Теологиялык экспертиза өткөрүү болсо, дин иштери боюнча комитети же муфтият өкүлдөрүнө тапшырылган болуп, алар тинтүү учурунда табылган адабияттарды күч органдары каалосуна ылайык экстремисттик же экстремисттик эмес деген жыйынтык чыгарып беришет. Мына ушундай расмий өкмөт алгач мамлекет алдында тыюу салынган адабияттар тизмесин чыгаруу жана теологиялык экспертиза өткөрүү укугуна ээ болгон бирер комитет түзүү ордуна, экстремиз (Ислам)га каршы күрөштү күчөтүүчү мыйзамдарды кабыл кылууда. Бул болсо өз учурунда мусулмандарга басым өткөрүү жана алардан туура эмес жолдор менен акча алууга аракет кылышууда.
