Россия исламий уламаларды бир чекеден жок кылууда
Тарыхта да Ислам жана мусулмандарга каршы жек көрүүлүк менен күрөшүп келген орус өкмөтү коом ичинде исламий пикир жана туйгулардын жайылуусунун алдын алуу максатында исламий улама жана диний жетекчилерди жок кылуу жолуна өтүп алды.
26-сентябрь күнү саат 16:00 чамасында Ставраполь өрөөнүнүн Нефтекумск районунун Кара-Тюбе (Кара-Дөбө) айылы имамынын орунбасары өз машинасынын жанында өлүк абалда табылды.
Равил Кайбалиев россия өкмөтүнүн муслима аялдардын хижабына каршы алып барып жаткан күрөшүнө олутту каршылык көрсөтүп, катуу туруп хижабды коргоо менен жергиликтүү мусулмандар ичинде чоң урмат-сыйга ээ болгон адам эле. Равил Кайбалиев Ставраполдо орус күч органдары тарабынан өлтүрүлгөн биринчи имам эмес жана эгер мындай иштер улана бере турган болсо акыркысы да эмес, мындан Аллах сактасын
2012- жыл: Ставраполь муфтийинин орун басары Курман Исмаилов Пятагорск шаарында өз автомобилинде жардырылган болчу.
2013-жыл: Исламий жамаат жетекчиси Мансур Ажигисиев күч органдары тарабынан колго алынган жана кийинчерээк жалган айыптар менен түрмөгө камалган. Арадан көп өтпөй түрмөдөн өлүгү чыккан.
2013-жыл: 30-декабрь күнү Каясул айылында күч органдары өткөргөн операциядан кийин Ислам активисти Ибрагим Нуровдун өлүгү табылган. Ибрагимдин жакындары болсо ал 27-декабрь күнү мечитте белгисиз адамдар тарабынан уурдап кетилгени туурасында кабар кылышкан эле.
2014-жыл: Федералдык коопсуздук кызматы (ФКК) тарабынан суракка чакырылгандан кийин Ислам активисти Замир Таибовдун уруп-сабалгандан кийин өлгөн денеси табылган.
2014- жыл: Денесинде сабалгандан калган издери көрүнүп турган Ислам активисти Алмаз Абдулнасиров күч органдарына “каршылык” көрсөткөндөн кийин “жооп катары атылган ок” менен өлтүрүлгөн.
2015- жыл: Иргаклы кыштагында мечит имамы жана белгилүү жамаат жетекчиси Замирбек Махмутов багымдат намазына бара жаткан убакта атып кетилген. Замирбек Махмутов Ставраполь өрөөнүндө хижабды коргоо кампаниясын демилгелеп жаткандардын бири эле.
Алардын бардыгы жашоосунда күч органдардын катуу басымдарына карабай өз ишенимдеринде бекем турушкан эле. О.э, бул кылмыштардын бирөөсү да тергөөгө алынбады. Жада калса бул өлтүрүүлөр күч органдары тарабынан кылынгандыгы жашырып да коюлган жок.
