Иран Революция гвардиячыларынын аба күчтөрү командачыларынын бири Амир Али Хажизада Иран менен АКШ ортосунда аскерий тармакта Иран-Ирак согушунан бери байлашын линиясы болуп келгендигин билдирди. Фарс кабар агенттиги таркаткан кабарда айтылышынча, Ирандын Кум шаарындагы Масумия медресесинде сөзгө чыккан Хажизада АКШ менен саясий майданда диалог улангандыгын жана кудум ушундай байланыш линиясы аскерий тармакта да болгондугун баса белгиледи.
“Саясий майданда болгону сыяктуу эле аскерий майданда да эки тараптын ортосунда Иран-Ирак сгушунан бүгүнкү күнгө чейин байланыш линиясы бар болуп келди. Линиянын бир тарабында Америка күчтөрү болсо, экинчи тарабында Ирандын куралдуу күчтөрү бар болчу”, – деди Хажизада.
Хажизаданын билдиришинче, ядролук келишим, санкциялардын алынышы жана АКШ админстрациясы тарабынан конфискация кылынган 2 миллиард доллар сыяктуу маселелер боюнча алдыга жылуу жүз бериши үчүн АКШ менен Иран ортосунда саясий майданда диалог болгону сыяктуу эле аскерий майданда диалог уланып келген.
Туркистон:
Өзүн Американын ашынган душманы кылып көрсөтүп келген Иран, түпкүлүгүндө, Жакынкы Чыгыш регионунда Американын стратегиялык кызыкчылыктарын коргоочу мамлекет болуп эсептелет. Буга көптөгөн мисалдарды келтирүүгө болот.2001-жылдагы 11-сентябрь окуясынан кийин Америка Афганистан жана Иракка каршы согуш ачып, «баткакка» батып калганда Иран аны бул бул баткактан куткаруу милдетин мойнуна алды. Хашимий Рафсанжани 2002-жылы Германиянын Бонн шаарында Ирандын бул ролун ачык эле моюнга алды. Иракта да Америка кыйынчылыкка кептелип калганда Иран дагы кайрадан куткаруучу катары даяр болду. Ал Ирак мамлекетин тайпачылык негизинде бөлүп таштоо менен АКШга жеӊилдик пайда кылды.
Афганистандагы Талибан режими жана Ирактагы Саддам Хусайн режими Ирандын эӊ ашынган душмандары болгондугу эч кимге жашыруун сыр эмес. Бирок, Америка Иранды эмес, Саддам жана Талибан режимдерин кулатты. Бул режимдердин кулашы болсо Ирандын региондо кеӊири аракет кылышына жол ачып берерир анык болчу. Көрүнүп тургандай, Ирандын АКШга карата кескин билдирүүлөрү куру көз боочулуктан башка нерсе эмес. Түпкүлүгүндө, Иран да башка мамлекеттер сыяктуу эле АКШнын малайы болуп эсептелет. Бул эки мамлекет ортосундагы акыркы кездердеги мамилелер муну анык көрсөтүп турат.
