“Дүйнөнүн эң кудуреттүү 500 мусулманы” тизмеси Амманда жайгашкан Королдук Исламий Стратегиялык Изилдөөлөр борбору тарабынан жарыя кылынат. Ушул тизме 2009-жылдан бери Американын George Town университети алдындагы ханзада Ал-Валид ибн Талал борбору менен кызматташтыкта басылып чыгууда.
Тизмеде “Ал Азхар” унвеситетинин шайхы жана мечиттин башкы имамы Ахмад Мухаммад ат Тойиб биринчи орунда турат. Бул тизмеде ар жылы алдыӊкы орундарды ээлей турган адамдардын бири Саудиянын падышасы Абдулла бин Абдуллазиз. 2012-жылы тизмеде дүйнөдөгү эң кудуреттүү эки мусулмандын бири деп табылган Түркия премьер-министри Ражаб Тайиб Эрдаган, Марокконун падышасы Мухаммад VI, Ирандын динаятчысы Аятулла Али Хаменеий, Иорданиянын королу Абдуллах, Мисирдин “Мусулман агайындар” кыймылынын руханий жетекчиси Мухаммад Бедия…. жана башкалар болушкан.
Аялдардан Иордания королевасы Рания ал-Абдуллах, Сириядагы “Кубайсий” кыймылынын жетекчиси шайх Мунира Кубайсий жана Катар фондунун жетекчиси Моза бинт Носир ал-Миснеддер болушкан.
Бул тизмеге быйылкы жылы Каримовдун да кошулушу: “Булардын кудурети алардын мусулмандыгында болбогон соӊ, анда эмнеде?” – деген суроону пайда кылат. Себеби, Каримовдун мусулман экендиги талаштуу маселе болгону аз келгенсип, ал мусулмандар үчүн кандай кубатка ээ?! Ал турмушта мусулмандарга каршы репрессиялык аракеттери менен таанылган эмеспи. Демек, бул тизме АКШ изилдөө борбору тарабынан куфр системасына тийгизген пайдасына карай түзүлгөн.
Бул тизмеге Каримов менен бир сапта өтө көп мамлекеттердин жетекчилери, Исламий партия, жамааттардын жетекчилери жана диний кызматкерлер киргизилген. Каримовдун тизмеге кошулушу бул тизмедегилер үчүн өздөрүн таанып алууга бир өлчөө болду деп айтсак аша чапкан болбойбуз. Азырынча убакыт бар, Аллахтын тизмесинде да аны менен бирге болуп калуудан этият болгула.
Розоккул (А Али)
