Жон Болтон Сергей Лавров менен сүйлөшүүлөрдү өткөрөт
АКШ президентинин улуттук коопсуздук боюнча кеңешчиси Жон Болтон шаршемби күнү Москвада РФ тышкы иштер министри Сергей Лавров менен сүйлөшүүлөрдү өткөрөт.
АКШ улуттук коопсуздугу кеңеши ушул сапар тууралуу маалымдап, Болтон россиялык өнөктөштөр менен эки өлкө президенттеринин “болушу күтүлүп жаткан жолугушуусун” талкуулай тургандыгын билдирди.
Июнь айынын орто ченинде Трамп интервью берип жатып, жакынкы убакта Путин менен жолугушуусу мүмкүн экендигин айткан. Москва менен Вашингтон ортосундагы жогорку деңгээлдеги жолугушууларды уюштуруу боюнча алакалар активдешкени күзөтүлгөн эле. Ошондон кийин “Times” басылмасы АКШ админстрациясындагы жооптуулар эки өлкө президенттеринин жолугушуусу июль айында, НАТО саммитинен мурда же кийин болорун божомолдоп жатышканы тууралуу кабарлаган.
Москва да азырынча жолугушууга даярдык жараянын тастыктаган да жок о.э. четке да кага элек. Россия президентинин маалымат катчысы Дмитрий Песков журналисттер менен маек учурунда “Болтон шаршемби күнү Кремлде кабыл алынабы же жокпу” деген суроого ачык жооп бербеди, ал “эгерде Путин аны менен жолугушса биз силерге кабар беребиз” деп айтуу менен чектелди.
