Пентагон: Орто Азиядагы “ИШИМ” ызы-чуусу Москва пропагандасынан башка нерсе эмес
Пентагон Россиянын Борбор Азия мамлекеттеринде “Ислам мамлекети” уюму жайылып жаткандыгы туурасындагы кооптонууларга кошулбайт. Америка аскерийлеринин пикиринде, бул сыяктуу билдирүүлөр, болгону “Россия пропагандасы” гана. Бул тууралуу “Sputnik” сайты кабарлады.
Буга чейин РФ тышкы иштер министринин орун басары Олег Сыромолотов Афганистан эл аралык терроризмдин таяныч базасына айланып жаткандыгына тынчсыздануусун билдирген эле. Дипломаттын айтымында, бул мамлекеттеги активдүү “ИШИМ” согушкерлеринин саны 4 миңден 10 миңге чейин. Сыромолотов террорчулар мыйзамдуу өкмөттөрдү кулатууну, Борбор Азия жана Россия аймактарын басып алууну о.э. “Түндүк Хуросон” мамлекетин куруу максатын ачык баян кылып жаткандыктарын айтып өткөн эле.
А бирок, Американын аскерий мекемеси муну “негизсиз” деп эсептөөдө.
Пентагондун маалымат кызматынын өкүлү подполковник Кон Фолкнер: “Россия АКШнын Афганистандагы аракеттерин жокко чыгаруу үчүн “ИШИМ” туурасында глобалдык тынчсызданууну күчөтүп жатат. Россия ар кандай мүмкүнчүлүктү издеп таап, АКШ жана Борбор азиялык шериктерибиз ортосуна душмандык уругун себүү үчүн пайдаланууда. “ИШИМ”дин Борбор Азияны басып алууга аракет кылуусу жөнүндөгү негизсиз айыптоолор пропагандадан башка нерсе эмес”,- деген. Бул тууралуу “РИА Новости” кабарлады.
А бирок, ал Афганистандагы “ИШИМ” уюму мүчөлөрүнүн жалпы саны жөнүндө сөз кылуудан баш тарткан жана АКШ афганистандык өнөктөштөрү менен биргеликте мамлекетте “ИШИМ” санын кыскартуу жаатында ишин уланта тургандыгын баса белгилеген.
Ошону менен бирге, Пентагондун өкүлү Россия өз аймагында терроризмге каршы күрөш жаатында жетиштүү чараларды колдонбой жаткандыгын кошумчалаган.
Туркистон:
Биз буга чейин айтып келгенибиздей, Афганистанда калыптанып бара жаткан аскерий кескиндик, АКШнын Борбор Азияда өз кызыкчылыктарын жүзөгө чыгаруу долбоорунан башка нерсе эмес! Россия “ИШИМ” уюму аркылуу пайдо кылынып жаткан АКШ долбоорунан өз кызыкчылыгы жолунда пайдаланып калмакчы болууда. Жогорудагы Пентогондун маалымат кызматынын өкүлү Россиянын кызыкчылыгына каршы сүйлөп: “ИШИМ” долбоору биздин көзөмөлүбүздө. Биз аны толук көзөмөлдөп турабыз. Россиянын жасалма коркутууларына эч кандай негиз жок о.э. ал пайда кылмакчы болуп жаткан абалдар биздин кызыкчылыгыбызга туура келбейт”, – демекчи болууда.
Демек, негизи жасалма коркунуч бар! Бирок, ал бир гана АКШнын кызыкчылыгына иштеши керек! Себеби, “ИШИМ”ди Ирактан Афганистанга АКШ көчүрдү. Эл аралык саясаттагы таасиринен пайдаланып, бардык чыгымдарды да анын өзү көтөрүп жатат. Ошондуктан, убагы келгенде АКШ бул долбоордон албетте пайдаланат!
