Душанбеде терроризмге каршы күрөштүн жаңы ыкмалары изделүүдө
Тажикстандын борбору Душанбе шаарында 3-май күнү “Терроризм жана экстремизмге каршы күрөш” темасында эл аралык конференция башталды. Тажикстан өкмөтү БУУ, ЕККУ жана Европа Союзу биргеликте уюштурган иш чара жума күнү да уланат.
Тажикстандын тышкы иштер министрлиги кабарлагандай, аталган конференцияга 46 мамлекеттин, 30 эл аралык жана аймактык уюмдардын о.э. илим изилдөө институттарынын 400дөн ашуун өкүлдөрү катышууда.
Тажикстан тышкы иштер министрлиги тараткан кабарда: “Конференция бардык кызыкдар тараптардын тажрыйба алмашуусунун жана заманбап коркунучтарга каршы күрөштүн алкагында ылайыкташтырылган аракеттер программасын иштеп чыгуу максатындагы кеңири масштабдуу диалогдун о.э. өз ара кызыкчылыктуу кызматташтыктын маанилүү платформасы болуп кызмат кылат”, – деп айтылат.
Конференцияга катышуу үчүн Душанбеге ЕККУнун башкы катчысы Томас Гремингер, БУУнун терроризмге каршы күрөшүү башкармалыгынын жетекчиси ВладимирВоронков, АКШ мамлекеттик катчысынын Борбор Азия жана Афганистан боюнчажардамчысынын орун басары Генри Эншер жана башка бир катар өлкөлөрдүн тышкы иштер министрлери келди.
