Бисмиллаахи рахмаанир рахиим
Асыл хадис менен
Аллахтын ырайымы Анын каарынан үстөм
Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.
Ан-Навави Имам Муслимдин “Сахих” китебине шарх берип, “Аллах Тааланын ырайымы Анын каарынан үстөм” деген бөлүмдө буларды айткан:
حدثنا قتيبة بن سعيد حدثنا المغيرة يعني الحزامي عن أبي الزناد عن الأعرج عن أبي هريرة، أن النبي صلى الله عليه وسلم قال:” لما خلق الله الخلق، كتب في كتابه فهو عنده فوق العرش، إن رحمتي تغلب غضبي“
Бизге Кутайба бин Саид Абу Хурайрадан риваят кылды. Пайгамбар (с.а.в) айтты: “Аллах Таала макулуктарды жаратып, Өз Китебинде мындай деп жазган: “Ал (Китеп) Арштын үстүндө, Аллахтын алдында. Менин мээримим каарымдан үстөм”.
Аллах Тааланын: “إن رحمتي تغلب غضبي” (Чындыгында, Менин ырайымым каарымдан үстөм) деген сөзү жана риваяттагы: “سبقت رحمتي غضبي” (Менин ырайымым каарымдан алдыда” деген сөз тууралуу аалымдар айтышты: “Аллах Тааланын каары жана ыраазылыгы каалоосунун маанисине байланыштуу. Аллахтын моюн сунуучуга сооп берип, пендеге пайда берген каалоосу – ыраазы болгондугу жана ырайым кылуусу. Ал эми күнөөкөрдү жазалап, аны басынткан каалоосу – каары деп аталат. Аллахтын бардык каалоосу анын эзелки сыпаты.
Алар айтышты: “Бул жерде үстөм жана алдыда дегени – ырайымдын кеңдиги жана ар тараптуу айкөлдүктү билдирет. Сөздүк мааниде да баланчага айкөлдүк кылды дегенде абдан кечиримдүүлүк сыпат назарда тутулат.
Сүйүктүү бир туугандар!
Биринчинден, Аллахтын макулуктарды жараткан нээматы үчүн Аллахка мактоолор болсун!
Экинчиден, бизди Ислам нээматы менен сыйлаганы үчүн Аллахка мактоолор болсун!
Үчүнчүдөн, дааватты көтөрүп чыгуу нээматын бергени үчүн Аллахка мактоолор болсун! Аллахка ант болсун, Аллах Таала бизди жаратып, Өзүнүн Туура жолуна кайтаргандыгы бул өтө чоң ырайымдуулук. Адамдардын кээ бирлери бул дүйнөдө жана акыретте зыян келтирүүчү нерселерден напсилерин коргоп, өздөрүнө ырайым кылбагандыктан, алардын абалы мындан башкача. Напсисине ырайым кылган адам күнөөлөрдөн жана жамандыктардан алыс болуп, моюн сунуу менен Аллахка жакындайт. Канчалаган адамдар өзүнө зулумдук кылып, адамдар чыгарган башкаруу системаларды (мабданы) карманып, аларга баш ийди жана бактысыз болду. Шарият таш боордуктан, катаалдыктан эскертип, башкаларга ырайым кылбагандарды бактысыз деп эсептеди. Пайгамбарыбыз (Саллаллаху алейхи уа саллам) айтты:
“لا تنزع الرحمة إلا من شقي”
“Мээримдүүлүк бир гана бактсыздан гана тартып алынат”.
Пайгамбарыбыз (Ага Аллахтын салам-салаваты болсун) бир аял тозокко мышыктын айынан киргендигин айткан. Демек, Шамдагыдай мыкаачылык менен мусулмандарды өлтүргөндөр жөнүндө эмне деп айтууга болот? Албетте мындай адамдарга Аллахтын мээрими болбошунда шек жок. Тескерисинче, аларга Аллахтын каары болот. Ал эми Ага ыйман келтиргендер жана Анын жеринде Анын шариятын аткаруу үчүн аракет кылгандар үчүн Аллахтын ырайымы жазылат. Аллах Куран аркылуу жердеги ырайымын табуу үчүн аракет кылгандар менен бирге.
Оо Аллахым, бизди амал кылгандардан, жакшылыкты угуп, анын эң жакшысына ээрчигендерден кыл. Амин.
Аллах буйруса, келерки “Асыл хадис менен” берүүбүздө жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси болсун.
1446-х, 28-жумаадус-саани.
2024-ж, 30-декабрь.
