بِسْمِ اللهِ الرَّحْمٰنِ الرَّحِيمِ
Мужахид шайх Салих Арурийдин өлтүрүлүшү жөнүндө пикир
М. Муждий Али
Баскынчы вужуд бүткүл Фалестиндеги, айрыкча, Газадагы элибизге каршы кыргын жана массалык өлтүрүү операцияларын өткөрүп жатканына карабастан, бир топ согушкер жаштарды жеңе албады. Яхудий вужуду жана анын премьер-министри Нетаняхунун ийгиликсиздиги уланып жатканда, Хамастын саясий бюросунун жетекчисинин орун басары Салих Арурийге жана анын шериктерине каршы Бейрутта кол салуу операциясы ишке ашырылды. Максат, башка өлкөнүн аймагында операция жасап болсо да кандайдыр бир жеңишке жетүү. Муну менен баскынчы вужудга каршы күрөштө бурулуш чекити болгон «Акса ташкыны» операциясы себептүү чөгүп кеткен яхудийлердин рухун бир аз болсо да көтөрүшмөкчү.
Америка башчылыгындагы кафир Батыш яхудийлерди курал-жарак жана аскерий техника менен колдоп-кубаттап жатат. Мусулман өлкөлөрүндөгү малай өкүмдарлар өз кадырын жана намысын арзан баага, динин дуняга сатып, Батыштын малайларына айланышты… Яхудийлерге каршы күрөшүүнү айтып келген режимдер жана кыймылдар да «керектүү жай жана учурда жооп соккусун беребиз», «бул сабыр менен күтүп туруу стратегиясы» деген нерселер менен аларга каршы соккуларды көрмөксөн болушууда. Ушул себептен улам, жийиркеничтүү яхудий вужуду өзүн арстан санап, Ислам Умматына каршы чабуул кылууда. Анын бул жийиркеничтүү чабуулдарын көрүп, жүрөктөр эзилип жатат. Бирок, ага карабастан, мусулмандар максатка жетүү үчүн экиленбестен перзенттерин шахид кылууга даяр тирүү Уммат экендиги көрүндү. Анткени, мусулмандар Аллах Азза ва Жалланын:
﴿إِنَّ اللهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ﴾
«Албетте, Аллах момундардын жандарын жана малдарын бейишке айырбаштап алды, алар Аллах жолунда согушуп, (кафирлерди) өлүрүшөт жана (өздөрү да Аллах үчүн шахид болуп) өлтүрүлүшөт» [9:111]
деген аятына ылайык ыйман келтиришкен.
«Акса ташкыны» операциясы төртүнчү айга кирди, абалды күзөтүп жаткан, мамлекет өкүмдарларынын, армия командачыларынын жана Фалестиндин айланасындагы согушкер кыймылдардын алсыздыгын көргөн киши кыянатка, көз карандылыкка жана малайлыкка толо бул чөйрөдө Арурийдин өлтүрүлүшү эч кандай саясий же аскерий акыбеттерге алып келбешин көрөт.
Душман анын айланасындагылар кол салбашына кадыржам болгону үчүн бул кол салуу операциясын өзүнүн коопсуздук планынын бир бөлүгү катары ишке ашырды. Абал ушуну көрсөтүп турат: Фалестин жана Газа элине каршы кыргындар, Аксадагы аялдарга жасалган чабуулдар «Аллахтын жолунда жихадга чакырылганда» жерге «өлкөсүнө» жабышып алгандардын жүрөгүнө таасир кылбай жаткан соң, бир нече кишинин өлтүрүлүшү аларга таптакыр таасир кылбайт.
Ал эми, Ливандагы Иран хизби согуштун кеңейтет же «Акса ташкынына» окшогон операция аркылуу бул окуяга жооп кайтарат деп ойлоп жаткандарга келсек, бул – куру кыял. Алар Иран хизбинин колу Шам калкынын канына бөлөнгөнүн, Американын орбитасында айланып жаткан Иран мамлекети аркылуу Ливанда бийликти өз көзөмөлүнө алгандан кийин региондогу АКШнын долбооруна тыгыз байланганын түшүнбөй жатышат же түшүнүүнү каалабай жатышат.
Бул кыялкечтер Иран хизби жана анын Ливандагы союздаштары яхудий вужуду менен деңиз чегараларын белгилешкенин кантип көрбөй жатышат?! Акыры, бул нерсе яхудий вужудунун чегарага акылуу экенин жана анын бар болушун моюнга алуу эмеспи?! «Акса ташкыны» операциясына карабастан, алар дагы эле, ал тургай, ушул убакытка чейин алардын жана союздаштарынын көзөмөлүндө болгон Ливан мамлекети аркылуу яхудийлер менен кургактык чегараларын белгилөө долбоорун аткарып келишпедиби?! О.э. алар 2006-жылдагы согуштан кийин Коопсуздук Кеңешинин №1701-резолюциясына моюн сунуп, ушул резолюция негизиндеги «кагылышуунун эрежелери» делген аскерий иш-аракеттерди токтотуу жөнүндөгү келишимди көптөгөн жылдардан бери аткарып келишпедиби?!
Буларды көрүп-билбегендер Арурий жана анын шериктери өлтүрүлгөндөн кийин Хизбуллахтын башкы катчысынын 2024-жылы 3-январдагы сөзүн уксун. Анын 2020-жылы 3-январда өлтүрүлгөн Касим Сулайманий жана Абу Махдий Мухандисти эскерүү ырасымында сүйлөгөн сөзү куралдуу аскерий уюм жарыялаган «Акса ташкыны» жана анын пайдалары жөнүндөгү журналисттик икаядан турат. Ал тургай, бул да аздык кылгандай – өзүнүн жана Ирандын күчү менен согуш баштоо жөнүндө сүйлөөнүн ордуна – яхудийлердин келечектеги коопсуз турмушу жөнүндө сүйлөдү. Акыйкатта болсо, Иран хизбинин башкы катчысы жана Хаманеий мурунку сөздөрүндө «чечүүчү бир сокку менен жети мүнөттө яхудий вужудун жок кылуу» жөнүндө тынымсыз айтып келишкен. Эми болсо, бул сөздөрү «стратегиялык сабыр» жана «сабыр менен күтүп туруу стратегиясы» дегенге өзгөрдү.
Эгер, бул куру кыялдангандарга акыйкатты көрсөтүү үчүн ушулар да жетиштүү болбосо, анда Иран хизби чегара участкасына же андан арыга аткан ракеталарга карашсын. Ошондо Иран хизбинин Арурийдин өлтүрүлүшүнө жооп же жооп соккусунун башталышы деген соккусу чегарадагы бир да аскерий объектиге күчтүү сокку бербегенин көрүшөт. Бул кудум Сулайманий жана мухандис Абу Махдийдин өлтүрүлүшүнө каршы Иран бутага анык тийген ракеталар жардамында берген жооп соккусуна окшойт. Ал кезде, Иран тышкы иштер министри Жавад Зариф айткандай, Ирактагы Айнул Асад базасына ракета атылышынан мурун бул жөнүндө Америкага кабар берилген. Ошондуктан, эч бир аскерге жараат жеткирилбеген. Тескерисинче, бул жөнүндө Трамп: «Бул биздин аскерлерибиздин бир аз баш оорусуна себеп болду», – деген.
Алардын жакшыраак аракет кылганы, «Элдик фронт» уюму 2001-жылы (израиль) туризм министри Рехавам Зеэри өлтүргөндөй, яхудийлердин министрине, же командачысына, же анын кызыкчылыгына чабуул кылышы мүмкүн. «Элдик фронт» уюму өз командачысы Абу Али Мустафа Рамаллахтагы кеңсесинде «Апачи» самолёту аркылуу өлтүрүлгөнүнө жооп катары (израиль) туризм министри Рехавам Зеэрини өлтүргөн.
Бул бир жетекчинин өлтүрүлүшүнө карата жооп деп эсептелсе да, бирок, биз бул жерде яхудий вужудуна каршы жок согушту баштоо жана кеңейтүү о.э. «Акса ташкыны» сыяктуу операция баштоо мүмкүнчүлүгү жөнүндө сөз кылып жатабыз. Жогоруда көрсөтүлгөн маалыматтарга ылайык, бул азыркы күнгө чейин ишке ашыруу мүмкүн болгон нерсе болуп калууда… Күчтүү ыктымалга ылайык, Америка региондогу кызыкчылыктарын сактап калуу үчүн согуштун регионалдык масштабга кеңейтпөө аракеттерин улантып, бул согушта бир да калыс аракет билинбей ишке ашуусун алдын алууга аракет кылат. Анткени, мындай калыс аракет абалды өзгөртүп, өкүмдарлардын кулашына жана Исламий мамлекеттин тикеленишине алып келет. Муну менен Батыш регионду колдон чыгарат. Бул, Хизб-ут-Тахрир ушунча жыл аракет кылып келген иш-аракет.
Американын позициясы анык, ал кол салуу операцияларына ыраазы эмес. Кала берсе, ал Нетаняху жана аны менен бирге болгондордун аракетин чектөөгө аракет кылат. Кол салуу операциясы яхудийлер тарабынан расмий кабыл алынбаган болсо да, «Axios» веб-сайтында америкалык жогору даражадагы расмийдин «(израиль) Арурийге кол салып өлтүрдү, бирок, Кошмо Штаттарды алдын ала кабардар кылбады» деген айтылган. Американын мындай позициясы мусулмандардын каны төгүлгөнүнө кайгырып жатканы үчүн эмес, тескерисинче, аскерий аракеттерди токтотууда жана сүйлөшүү жараянын улантууда Нетаняху жана анын өкмөтү менен келише албай жатканы үчүн болууда.
Газа калкына жана Кассам бригадасына келсек, алар Умматтын ушундай бир перзенттери, жетекчинин өлтүрүлүшү аларды токтотуп калбайт. Тескерисинче, Муъта казатынын катышуучулары алардын үч командачысы – Аллах алардан ыраазы болсун – өлтүрүлгөндө да кайраттуу тургандай, алар да Аллахтын уруксаты менен согушту улантышат. Муъта казатынын катышуучулары командачы кылып тандалган Халид ибн Валиддин колу астында жеңишке жеткенге чейин согушту улантып, бекем турушту… Бирок, эң көзгө көрүнгөн сыпаты ал тургай пайгамбарга жана расулдарга да кыянат кылуу болгон душмандан этият болуу – Газа мужахиддери жана жетекчилеринин эң көзгө көрүнгөн касиети болушу керек.
Ушул орунда Газа калкына жана мужахиддерине, «негизги каршылык көрсөтүү күчтөрүнүн» сабында туруп яхудийлерге каршылык көрсөтүүнү төш кагып, бирок бүгүнкү күнгө чейин аларга коркокторчо жооп берип жаткандарга шахид Арурий өлтүрүлүшүнөн мурун яхудийлерге айткан сөздү эске салабыз: «Биз силердин соккуларыңарга унчукпастан, «сабыр менен күтүп туруу» стратегиясын кабыл албайбыз. «Керектүү жайда жана учурда сокку беребиз» деген саясатты да алып барбайбыз. Биз жооп беребиз, жооп соккусун берүүнү заматта баштайбыз жана жерлерибиздин басып алынышына таптакыр ыраазы болбойбуз…».
Роя гезити, №477, 2024-жыл, 10-январь.
