Данияда кайрадан Куран өрттөлдү, Кыргызстанда мечит-медреселер жабылууда
21-июлда “Даниялык патриоттор” деп аталган топтун мүчөлөрү Ирактын Копенгагендеги элчилигинин алдында Курандын көчүрмөсүн өрттөштү. Алар бул ыплас иштери Ирактагы Швеция элчилигинин өрттөлүшүнө жооп болгонун айтышты.
Эске салсак, 19-июлда Швеция полициясы Ирактын Стокгольмдогу элчилигинин алдында Куранды өрттөө акциясы өтүшүнө уруксат берген. Анын катышуучуларынын бири Куранды тебелеген. Мындан улам, 20-июлда Ирак калкы Швециянын Багдаддагы элчилигине кирип барып, аны өрттөп жиберген. Швециядагы акцияны өткөргөндөр Курман айт күнү да Куранды өрттөп, акааратташкан эле. Мусулмандар жетекчилери менен исламий тон кийген уюмдар ар сапар куру сөздөр менен окуяны айыптоодон ары өтө албагандыктан, бул дин душмандары дагы да кайрадан өз ыплас иш-аракеттерин демденип улантышууда. Мисалы, Түркия сыяктуу өлкөлөр Швециян,ын НАТОго кабыл алынышына каршы мүмкүнчүлүгүн колдонуу ордуна, ага жол ачып берүүдө. Ирак бийлиги болсо Швеция элчилигин өрттөгөн калкты камакка алуу менен коркутууда.
Ал эми мунун тушунда, Кыргызстан бийлиги Куран өрттөгөндөр менен бир сапта туруп, Куран үйрөткөн мечит жана медреселерди жабуу менен убара! Бул үчүн уруксат кагазы же санитардык абалы шылтоо кылынууда! Маселен, үстүбүздөгү жылы Сузакта эле эки медресе уруксат кагаздын шылтоосу менен жабылды. Ал эми, жалпы Жалал-Абад облусу боюнча 60 мечитке лицензия берилбегени үчүн айрымдары жабылып, айрымдарына УКМК тарабынан эскертүү берилди. Кара-Суудагы ас-Сарахсий мечити санитариялык абал шылтоосу менен жабылып, 21-июлда жума намазы окутулбады. Негизи, жайкы каникулда миңдеген ата-энелер перзенттерин мечит-медреселерге тапшыруу үчүн кезек күтүп турушканда, орундар толуп калып, улам башка орундарга мухтаж болуп жатышканда, мечит-медреселерибиз бийлик тарабынан ушундай каршылыктарга учуроодо. Бул каафир империалисттердин динге каршы күрөшүнө малайлык кызмат кылуудан башка нерсе эмес! О.э. айт намаздарда элге көрүнүп коюп, артынан кайра мечиттерди жабуу – бул мунафыктыктан да башка нерсе эмес. Аллах Таала айтат:
﴿أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللهُ عَلَيْهِمْ مَا هُمْ مِنْكُمْ وَلاَ مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ﴾
«Аллахтын каарына дуушар болгон коомду дос туткандарды көрбөдүңбү? Алар силерден да, алардан да эмес! Жана алар билип туруп калп ант ичишет. (58:14)
Ооба, бүгүнкү күндө мусулмандардын абалы ушундай аянычтуу абалда. Учурдагы 60тан ашуун мусулман өлкөлөрүнүн акимдери биригип, халифа Абдулхамиддин тырмагына тең келе алышпады. Абдулхамид II Франция менен Британияда Вольтердин Расулуллах (с.а.в)ды акаарат кылган «Фанатизм» деген пьесасы көрсөтүлүшүнө каршы турган. Ал пьесанын мазмунунан кабардар болуп, Франция өкмөтүн эгер пьеса көрсөтүлсө, бул кооптуу саясий акыбетке алып келишинен эскерткен. Ошондо Франция пьесаны көрсөтүүнү тезинен токтоткон. Кийин ушул пьесаны коймокчу болгон театр Англияга барды. Халифанын ушул эскертүүсү Англияга да жолдонгондо, Англия өкмөтү: «Билеттер сатылып бүттү, эми аны токтотуу жарандарыбыздын эркиндигин тебелөө болуп эсептелет», – деп жооп берет. Ошондо султан Абдулхамид II төмөнкүдөй буйрукту чыгарат: «Менин бүткүл Ислам Үммөтүнө жолдоп жаткан буйругум ушул! Британия Набийибиз (с.а.в)ды акаарат кылууда! Буга каршы жихад жарыя кылам…». Ушул эскертүүнү алышкан соң, британдыктар пикир эркиндигин да унутуп, тезинен пьесаны токтотушту.
Демек, бүгүн мусулмандардын кор абалы мамлекет жетекчилеринин каафирлерге татыктуу жооп бербешинде жатат. Негизи, алардын мындай ыплас аракеттерине каршы чыгуу куру айыптоолор менен эмес, кошуунду мобилизация кылуу менен жана башка өлкөлөрдүн бийликтерин да ушуга чакыруу менен болот. Ал эми, калган мусулмандар каафирлердин мындай аракеттерине каршы пикир билдирип, акимдердин кыянатчылыктарын айыптап, өз өлкөсүндө жана дүйнөдө массалык пикир жаратууга аракет кылуулары важиб. Аллахым, мусулмандарды кайдыгерликтен алыс кыл! Бизге Ислам баалуулуктарына тил тийгиздирбей турган Рошид Халифалык мамлекетин тез күндөрдө насип кыл!
Хизб ут-Тахрир – Кыргызстан
25. 07. 2023
