Вашингтон Пост: Шахзада Салман АКШ экономикасына зыян жеткирүү менен коркутту
Саудиянын мураскор шахзадасы Муҳаммад ибн Салман АКШ президенти Жо Байденди АКШ экономикасына зыян жеткирерин айтып коркутту. Бул тууралуу Вашингтон Пост гезити “Discord” ыкчам кабар алмашуу социалдык платформасына сызылып чыккан жашыруун документке таянып кабарлады.
Гезиттин жазышынча, буга Байдендин Саудияны коркуткан билдирүүсү себеп болгон. Буга чейин Саудия мунай өндүрүүнү 2 миллион баррелге кыскартуу боюнча чечим кабыл алганы үчүн Байден админстрациясы нааразылык билдирген. Байден ошол кезде CNN телеканалына берген интервьюсунда Вашингтон менен Эр-Рияд ортосундагы мамилени кайрадан карап чыгарын билдирип, Саудиянын бул аракети “кээ бир жаман акыбеттерге алып барышынан” эскерткен.
Мураскор шахзада буга жооп иретинде, эгер Байден “мунай өндүрүүнү кескин кыскартканы” үчүн Саудияны жазаламакчы болсо, АКШ админстрациясы менен мамилени үзө тургандыгын жана бул нерсе Вашингтон үчүн олуттуу экономикалык акыбеттерге алып барарын” айтып коркуткан. Бирок кабарда келишинче, мураскор шахзаданын бул коркутуусу түздөн-түз Ак үйгө жеткирилгенби, же бул нерсе АКШ разведкасынын тыңчылык аракети аркылуу аныкталганбы, азырынча белгисиз.
Комментарий: Дүйнөдөгү эң ири мунай экспортчусу болгон Саудия 2022-жылы АКШнын каалоосуна тескери көрүнүштө мунай өндүрүүнү баалар көтөрүлүшүнө себеп боло турган деңгээлде кескин азайткан. Бул абал ошол кездеги АКШ Конгресси шайлоолоруна таасирин тийгизишинен тынчсызданган АКШ расмийлери Саудия менен байланышып, мунай өндүрүүнү кыскартуу чечимин болгону бир айга кечиктирип турууну суранган, бирок АКШ расмийлеринин талабына Саудиядан тескери жооп келген. Буга ачууланган Байден админстрациясы Саудия мунай өндүрүүнү кыскартууда Россия тарапта турганы үчүн Вашингтон менен Эр-Рияд ортосундагы мамилелерди кайрадан карап чыгууну убада кылып, мунун жаман акыбеттеринен эскерткен болчу. Жогорудагы кабарда шахзада Салман Байдендин коркутуусуна каршы кайра коркутуу менен жооп кайтарганы айтылууда. Ушул жерде бир суроо пайда болот. АКШнын мурдагы президенти Дональд Трамп “биз болбосок Саудия бир апта да бутунда тура албайт” дегенде, же АКШнын республикачы сенатору Линдси Грэм “Саудиянын армиясы биздин жардамыбыз болбосо, ал тургай кагаз пакеттерге да каршы согуша албайт” дегенде бир ооз каяша айтууга жарабаган шахзада эми АКШ бийлигин коркутууга кантип батынууда? Бул суроого кеңири жоопту төмөнкү линк аркылуу табасыз:
tizanidine us – buy generic zanaflex buy hydrochlorothiazide cheap