بِسْمِ اللهِ الرَّحْمٰنِ الرَّحِيمِ
Ыплас Бен-Гвирдин Аксага бастырып кириши мусулман кошуундарын козголууга үндөйт
2023-жылы 3-январь күнү яхудий вужудунун улуттук коопсуздук министри Итамар Бен-Гвир күчөтүлгөн коопсуздук чаралары астында Акса мечитинин короосуна бастырып кирди. Ал Твиттерде мындай деп жазды: «Акса калкыбыз үчүн маанилүү ибадат жайы, яхудийлер ал жерди зыярат кылуу укугуна ээ… Бизди опузалап жаткандарга темир кол менен мамиле кылуу керек».
Өз кезегинде, Хизб-ут-Тахрир–мубарек Фалестиндеги маалымат бөлүмү түшүндүрмө берип мындай деди: «Бен-Гвир бир нерседен көңүлү кадыржам болгондугу үчүн Акса мечитине мына ушинтип бастырып кирип, келгинди яхудий топтору менен Аксанын короосунда байбаштык кылып шүмшүңдөп жүрүштү. Аны кадыржам кылган нерсе ушул – Куддус жана бүткүл мубарек жер исламий өлкөлөрдүн өкүмдарларын таптакыр кызыктырбайт. Ал өкүмдарлардын Аксага өкүлдүгү жана ал кызыл сызык экендиги туурасындагы кыйкырыктары жана ураандары курулай медиа оюнунан башка нерсе эмес. Алар мындай ураандар аркылуу адамдарды алдап адаштырууга урунуп жатышат. О.э. Аллах, Расулу жана момундарга кыянаттык кылып жатышканын, яхудийлерге шерменде болуп чөгөлөп жатышканын жашырмакчы болушууда».
Билдирүүнүн акырында мындай делет: «Яхудийлердин Расулуллах Aдын Исра жеринде шүмшүңдөп жүрүшүнө жана мубарек жердин калкына күн сайын кылмыштарды жасашына татыктуу жооп бир. Ал – Уммат жана анын кошуундары нусрат-жардам бериши. Уммат жана анын кошуундары бул баскынчы вужудду түп тамырынан кулатуу үчүн мубарек жерге жүрүш жасашы керек. Ушул – туура чечим. Бул чечимди кечиктирүү жана эл аралык коомчулукка жалбарып баскынчы душманды тизгиндөөнү талап кылуу душмандын бузгунчулугун жана текебердигин көбөйтөт, кылмыштарын күчөтөт».
Роя гезити, №425, 2022-жыл, 11-январь.
