بِسْمِ اللهِ الرَّحْمٰنِ الرَّحِيمِ
АКШнын Судандагы элчиси кудум өлкө башчысындай аракет кылууда
2022-жылы 10-сентябрь күнү АКШнын Судандагы элчиси Жон Годфри Дарфур вилаятындагы Фашр шаарына барып, вилаяттын бийлиги менен жолугушту. “Менин келишимден максат – Дарфурдагы кырдаал менен таанышуу, ошондой эле Жуба тынчтык келишими кандай ишке ашып жатканын байкоо, өнүгүү жана туруктуулукту орнотуу”, – деди ал. Элчи жана шериктери «Замзам» мигранттар лагерине барышы жана жетекчилик менен учурашы, ошондой эле, Фашир жамиъ-мечитин зыярат кылышы пландалган.
Буга карата Хизб-ут-Тахрир–Судан вилаятынын расмий сүйлөөчүсү устаз Иброхим Усман (Абу Халил) ушуларды баса белгиледи: «АКШ элчисинин бул иштери мамлекеттин ички иштерине мурдун салуудан жана өлкө жетекчисинин вазыйпасы менен шугулдануудан башка нерсе эмес. Же АКШнын Судандагы элчиси өлкө башчысына айланганбы?!».
Абу Халил билдирүүдө ушуларды кошумчалады: «Өзүнүн эгемендигин айткан мамлекетте мындай чет элдик аралашуу болбошу керек. Эл аралык мыйзамдарда элчилер алар кызмат өтөп жаткан мамлекеттердин ички иштерине аралашпастыгы баса белгиленгенине карабастан, Суданда чет элдик аралашуу уланууда…
Батыш жана анын Судандагы өкүлдөрү бул өлкөнү эгемен суверендүү деп эсептешпейт. Мындан улам, ар кандай элчи каалаганын кылат. Элчилер өлкө иштеринин майда-баратына чейин мурдун салышууда. Аларды мындан кайтарууга, жада калса бир ооз сөз айтууга учурдагы жетекчилер да, мурунку жетекчилер да батына алышпайт. Бирок, эгер Халифалык мамлекети тикеленгенде бир да колонизатор мамлекеттердин элчиси же жараны халифанын уруксатысыз өлкөбүзгө кире алышпайт эле».
Билдирүүнүн соңунда устаз мындай деди: «Судан эли жана башка исламий өлкөлөрдөгү мусулмандар Пайгамбарлык минхажы негизиндеги рошид Халифалык мамлекетин тикелөөгө аракет кылышы керек. Себеби, Халифалык мамлекети гана өлкөлөрүбүздүн суверенитетин кепилдеп, колонизатор кафирдин сунулган колун кесет. Жада калса АКШ, Британия жана мусулман өлкөлөрүнө көз алайткан башка мамлекеттердин өлкөлөрүбүздө элчиликтери да, элчилери да болбойт».
Роя гезити, №409, 2022–жыл, 21–сентябрь.
