Бишкекте дин жана демократия маселелери талкууланды
Бишкекте 28-ноябрь күнү “ «Дин жана демократия боюнча конструктивдүү пикир алмашуу» долбоорунун V Пикир алмашуу аянтчасынын отуруму болуп өттү. Анда Кыргызстандагы дин жана демократия маселелери боюнча аналитикалык баяндамалар жасалды. Аны жаш изилдөөчүлөр даярдаганын уюштуруучулар кабарлашты.
Жыйында аялдардын радикалдык агымдарга кошулуп кетүү себептери, терроризмге каршы күрөштө коммерциялык эмес уюмдардын ролу жана зомбулук экстремизмин жайылтуунун алдын алуу багыттары талкууланган.
Жыйынга Дин иштери боюнча мамлекеттик комиссиянын, Ички иштер министрлигинин, Жергиликтүү өз алдынча башкаруу иштери жана улуттар аралык мамилелер боюнча мамлекеттик агенттиктин, Европа Биримдигинин жана эл аралык, өкмөттүк эмес уюмдардын өкүлдөрү катышты. Булардан тышкары, теологдор жана эксперттер чакырылган.
Жыйынды «International Alert» – көз каранды эмес тынчтык куруу жана чыр-чатактардын алдын алуу боюнча эл аралык уюм, Мамлекеттик дин комиссиясы, «Ыйман» фонду биргеликте Европа Биримдигинин колдоосунда уюштурду.
Комментарий: Куфр дүйнөсү Кыргызстанда саясий жана сакафий таасирин кеңейтүүгө олуттуу көңүл буруп келет. Ал өз максаты жолунда түрдүү конференция, жыйын жана иш-чараларды уюштуруу аркылуу коомдо мабдаий Исламга жана даъватчы мусулмандарга карата терс пикирлерди пайда кылуу менен, мусулмандарды “муътадил”, “салттуу” жана “радикал”дарга бөлүп таштоо планын ишке ашырууга умтулууда. Куфрдун бул долбоорун ишке ашыруусуна, айрыкча “Ыйман” фонду зор салым кошууда. “International Alert” эл аралык уюму менен “Ыйман” фонду биргеликте буга чейин да ушул сыяктуу жыйындарды өткөрүшкөн.
“International Alert” эл аралык уюму менен “Ыйман” фонду биргеликте уюштурган “Дин жана демократия боюнча конструктивдүү диалог” долбоорунун алгачкы жыйыны 2017-жылдын декабрь айында өткөрүлгөн болсо, 2018-жылдын май жана декабрь айларында экинчи жана үчүнчү жыйындары өткөрүлгөн.
Биз мусулмандар“Ыйман” фондунун атына алданып, анын тузагына түшүп калуудан этият болушубуз керек. Бул фонд куфрдун биздин ыйманыбызга койгон тузагы. Бул сыяктуу уюмдардын максаты диндер аралык жакындык пайда кылуу. Башкача айтканда, Ислам динин либералдаштыруу жана динибизге башка диндер менен түзүмдөрдүн таалимдерин алып кирүү аркылуу динибизди бузуу.
“Ыйман” фондунун кожоюндары болсо диндин өнүгүшүн эмес, тескерисинче, мусулмандардын алсыз чекиттерин таап, ошол жерден сокку берүүнү көздөшөт. Мусулмандарды ыймандан чалгытып, коомубузда жаңы-жаңы секталарды пайда кылышып, аларды ачык же жашыруун түрдө каржылап турушат.
Абдурахман Адилов
