Кытай Кыргызстанды колония кылып келүүдө
27-июль күнү, Чүй облусунун Сокулук районундагы кафель чыгарган заводдун Кытай жараны болгон башкы директору кол астындагы кыргыз жумушчусун сабады.
Кытай директор жумушчуну бүтүндөй кыргызстандык жумушчулар бригадасы астында мас абалында акаарат кылуу менен сабаган!
Кытайдын колония кылуу ыкмасы алгачкы жолу Чыгыш Түркстанды басып алышында көрүндү. Ал колония кылмакчы болгон өлкөлөргө алгач жумушчу жана соодагерлерин киргизет. Алар көптөгөн жылдар бою сабырдуулук жана итааткөйлүк менен кызмат кылып, мамлекет жана элдин ишенимине кирүүгө аракет кылышат. Ошол эле учурда, Кытай өкмөтү инвестиция алып кирүү жана карыз берүү аркылуу ошол алсыз мамлекетти карызга батырууга аракет кылат. Саясий кырдаалдардан т.а. ошол мамлекеттин ар бир проблемаларынан, кризистик абал жана саясий кырдаалдардан пайдаланып, ал мамлекет менен өтө көлөмдүү жана өзү үчүн өтө пайдалуу болгон келишимдерди түзүп алат. Нефть түтүктөрү жана темир жолу сыяктуу өтө маанилүү долбоорлорду ишке ашырып алуу менен мамлекетти стратегиялык жактан көз каранды кылып алат. Мына ошондон кийин Кытай мамлекети да, өтө эле итааткөй болуп көрүнгөн жумушчу жана ишкерлери да чыныгы жүзүн көрсөтө башташат. Андан соң, Кытай мамлекети ошол мамлекеттен (мисалы, Кыргызстан сыяктуу мамлекеттен) Кытайга жана кытайлык жарандарга тийиштүү мал-дүйнөнү коргоп беришин талап кылат. Кыргызстанда провокациялык иштерди уюштуруп, мамлекетке ишенимсиздик билдирет. Андан соң өзүнө караштуу завод фабрикаларды, жарандарын жана темир жол аркылуу өтүүчү товарларын коргооун өз колуна алат. Бул болсо, Кытай мамлекетинин аскер жана аскерий техникаларды алып киришин түшүндүрөт.
“Вечерний Бишкек” гезитинин 30-июлдагы санында, 27-июль күнү жүз берген окуяда Кытай директордун эч кандай айыбы жоктугу далилденди деген маалымат берилди. Аталган окуяга күбө болгон жумушчулар да кытай жараны кыргыз жумушчуну ургандыгын четке кагышкан имиш. Негизи, ошол жумушчулар 28-июль күнү алардан жана сабалган жумушчудан кытай директор кечирим сурашын талап кылып, митинг уюштурушкан эле.
Демек, биз кооптонгон абал башталууда. Башкача айтканда, күбө болгон жумушчулар заводдун жетекчилиги тарабынан коркутулуп, арызын өзгөртүүгө мажбурланышкан. Орган кызматкерлери да кыргыз бийлигинин басымы астында кытайлык жаранды колдоп, анын агрессивдүү аракеттерине о.э. кылмышты жашыруу абалына көңүл бурушпады!
Эй Кыргызстан жарандары!
Кытай бизди басып алмакчы болууда! Мурунку жетекчилерибиз жеке кызыкчылыктарын көздөп, Кытайдын ушул максаттарына өтө ыңгайлуу шарттарды түзүп берди. Т.а. Кытайдан керексиз максаттар үчүн миллиарддаган доллар карыздарды алып, мамлекетти өтө кооптуу абалга кептеп коюшту. Жаңы бийликтин да, Кытайдан же башкалардан карыз албай туруп абалды оңдоо мүмкүнчүлүгү жок! Карыздарды төлөгөнү келгенде жарандардын мүлкү болгон жалпы кызыкчылыктарыбызды (жерлер, кен-байлыктар….) аларга өткөрүп бергенден тышкары, Кытай мамлекетинин басымынан коркуп, жогорудагы сыяктуу, Кыргызстан жарандарынын акы-укуктарын тебелей баштайт. Ошондуктан, биз карапайым жарандар, кытайлардын Кыргызстан жарандыгын алышына жол бербешибиз керек. О.э. алар бизди кемсинтип, мыйзамдуу же мыйзамсыз кожоюндарыбызга айланып алышына жол бербешибиз керек. Антпесек, биздин башыбызга да Уйгурстандагы сыяктуу кордук түшөрү анык. Мүмкүн болушунча бул сыяктуу жийиркеничтүү атеисттер менен кызматташуудан, алар үчүн жол ачып берүүгө салым кошуудан тыйылышыбыз керек. Балким, Халифалык мамлекети бар болгондо, алардын мусулмандарга каршы репрессиялары үчүн (дорул харб) согуш абалындагы мамлекет деп жарыя кылынган болор беле.
Демек, коомчулук мамлекет башчыларга басым өткөрүп, ошону менен бир катарда Кытай мамлекетин да эскертип барышы керек. Антпесе, Кытай чектен чыга баштайт. Кыргыз бийлиги да алардан коркуп, өз жарандарына кыянат кылуу менен Кытай тарапка өтүп алат. Биз мындай абалга Уйгурстан мисалында күбө болдук! Эгерде калк кытайларды кабыл албаса, алардын колония кылуу планын бузуп жиберсе, бийликке басым өткөрүп аны Кытайга каршы багыттай алса мына ошондо Кытай – убактылуу болсо да – артка чегинет. Ошондон кийин, ал дагы кайрадан ыңгайлуу учурду аңдыйт. Себеби, анын артында дүйнөлүк куфр системасы турат! Бирок, убакыт биздин пайдабызга иштеп жатат, инша Аллах! Себеби, бизди Кытайдын басымы жана репрессиясынан дүйнөлүк исламий башкаруу системасы гана сактай алат! Ал болсо өтө жакын, инша Аллах!!!
